लालपुर्जा नहुँदा ७८ हजार भूकम्पपीडितले पाएनन् अनुदान

काठमाडौँ, चैत २४ । लालपुर्जा र जग्गासम्बन्धी प्रमाण नभएका कारण ७८ हजार भूकम्पपीडितले अनुदान पाउनबाट बञ्चित भएका छन् । भूकम्पबाट अतिप्रभावित १४ जिल्लाका ७७ हजार ७८१ भूकम्पपीडितले लाभग्राहीको सूचीमा परे पनि अनुदान रकम नपाएका हुन् ।

भूकम्पपीडितसँग लालपुर्जा नभएका कारण अनुदान सम्झौता हुन नसकेको राष्ट्रिय पुनःनिर्माण प्राधिकरणले जानकारी दिएको छ । जग्गासम्बन्धी प्रमाणको अभावले अनुदान सम्झौता हुन नसकेका त्यस्ता लाभग्राहीका लागि पनि छिट्टै आवश्यक व्यवस्था मिलाइने प्राधिकरणका प्रमुख कार्यकारी अधिकृत डा. गोविन्दराज पोखरेलले बताए ।

याे पनि पढ्नुस  पुननिर्माणः बने नक्सा, गरियो शिलान्यास, काम कछुवाको गतिमा

मङ्गलबार बसेको कार्यकारी समितिको बैठकले लालपुर्जालगायत जग्गासम्बन्धी प्रमाणको अभावमा अनुदान सम्झौता हुन नसकेका लाभग्राहीको तथ्याङ्क यकिन गर्न समिति गठन गरेको छ । समिति सदस्य धुव्रप्रसाद शर्माको संयोजकत्वमा गठित समितिले एक साताभित्र कार्यकारी समितिलाई सुझावसहितको प्रतिवेदन पेस गर्न निर्देशन दिएको छ ।

याे पनि पढ्नुस  प्राधिकरणको जिल्ला कार्यालयमा कर्मचारी अभाव, ७० दरबन्दीमध्ये ५८ पद रिक्त

भूकम्पका कारण कम प्रभावित १७ जिल्लामा प्राधिकरणले दोस्रो चरणमा ४४ हजार ४४३ घरधुरीलाई लाभग्राहीको सूचीमा राखेको छ । यसअघि पहिलो चरणमा १५ हजार ७४३ जना लाभग्राही सूचीमा समावेश भइसकेका छन् ।

लाभग्राही सूचीमा परेकालाई निजी आवास पुनःनिर्माणका लागि प्राधिकरणले आवश्यक प्रक्रिया र मापदण्ड पु¥याएर तीन लाख रुपियाँ प्रदान गर्ने तयारी गरेको छ ।

कमेन्ट गर्नुहोस्