राजनीतिक दलले सहमति गरेर चुनावमा जानुपर्छ-सभामुख घर्तीमगर

काठमाडौँ, चैत २४ । सभामुख ओनसरी घर्तीले व्यवस्थापिका–संसद्को चालु अधिवेशनलाई चाँडै टुङ्ग्याउने बताएकी छन् ।

बङ्गलादेशको ढाकामा सम्पन्न अन्तर व्यवस्थापिका संघको १३६ औँ सम्मेलनमा भाग लिई फर्किने क्रममा त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा उनले राजनीतिक सहमतिका लागि मात्र सदनले कुरेको बताएकी हुन्।

याे पनि पढ्नुस  सभामुखले डाकेको बैठकमा निस्किएन निकास, एमालेको अडान कायमै

स्थानीय निर्वाचनका लागि राजनीतिक दलबीच सहमति गरेर अगाडि बढ्नुपर्ने आवश्यता भएको र संविधान संशोधनको महत्वपूर्ण मुद्दा सदनमै रहेकाले पनि चालु अधिवेशन जारी राख्नुपरेको उनको भनाइ छ ।

आफूले सबै राजनीतिक दलबीच सहमति होस् भन्ने चाहेको उल्लेख गर्दै सभामुख घर्तीले मधेस केन्द्रित राजनीतिक दलले उठाएका विषयलाई सम्बोधन गर्न सबै दलबीच सहमति हुने विश्वास व्यक्त गरिन ।

याे पनि पढ्नुस  ‘संशोधन प्रस्तावमा तीनदिनभित्र सहमति नभए प्रक्रिया अघि बढाइने’

राजनीतिक दलबीच हुने वार्ता र छलफलले नै सहमतिको वातावरण बनाउने उल्लेख गर्दै उनले भनिन,‘राजनीतिक दलले सहमति गरेर अगाडि बढ्नुपर्छ तर त्यसको विकल्प खोज्नु हुँदैन ।’

यही फागनु १९ देखि २३ गतेसम्म ढाकामा अन्तर व्यवस्थापिका सङ्घको सम्मेलन भएको थियो । सभामुख घर्तीले नेपालको सहभागिता उल्लेखनीय भएको जानकारी दिइन । सम्मेलनमा १२२ देशको सहभागिता थियो ।

याे पनि पढ्नुस  ‘संशोधन प्रस्तावमा तीनदिनभित्र सहमति नभए प्रक्रिया अघि बढाइने’

बङ्गलादेश भ्रमणका क्रममा सभामुख नेतृत्व सभासद्को टोलीले चटगाउँ बन्दरगाहमा अवलोकनसमेत गरेको थियो ।

रासस

कमेन्ट गर्नुहोस्