निर्वाचन निष्पक्ष हुनेछ : प्रमुख आयुक्त

काठमाडौँ, चैत २६। प्रमुख निर्वाचन आयुक्त डा. अयोधीप्रसाद यादवले आगामी स्थानीय तहको निर्वाचनलाई निष्पक्ष, स्वतन्त्र र भयरहित बनाउन हरपल प्रयास गरेको र सम्बन्धित सबैबाट पनि त्यस्तै सहयोगको अपेक्षा गरेको बताएका छन् ।

रिपोर्र्टर्स क्लब नेपालको १९औँ वार्षिकोत्सव समारोहमा बोल्दै डा. यादवले निर्वाचन आयोग तयारीका हिसाबले निर्वाचनका लागि दिन गन्ती सुरु गरी अत्यन्तै मेहनतका साथ मध्यचरणमा पुगेको जानकारी दिएका छन् ।

याे पनि पढ्नुस  निर्वाचन सम्बन्धी थप एक विधेयक पारित, सरकारलाई चुनाव गराउने बाटो खुल्यो

आगामी वैशाख ३१ गते हुने स्थानीय तहको निर्वाचनका लागि एक करोड ४० लाख ५४ हजार ४८२ मतदाताको नामावली स्वीकृत भइसकेको उनले बताए ।

प्रमुख निर्वाचन आयुक्त डा. यादवले भने, “ऐतिहासिक यो महान अभियानको जिम्मेवारीलाई पूरा गर्न आम नागरिक, राजनीतिक दल र सबैपक्षबाट सहयोग र सद्भाव होस् ।

याे पनि पढ्नुस  कुन कुन दलले बुझाए वार्षिक अायव्यय विवरण

उक्त निर्वाचन चार महानगरपालिका, १३ उपमहानगरपालिका, २४६ नगरपालिका र ४८१ गाउँपालिकामा एकै चरणमा एउटै समयमा हुँदैछ ।

स्थानीय तहको निर्वाचनका लागि मतदाता शिक्षा प्रदान गर्न निर्वाचन आयोगले महिला स्वयंसेविका, मातृशिशु कार्यकर्ता र शिक्षक\शिक्षिका परिचालन गर्दैछ ।

कमेन्ट गर्नुहोस्