‘संविधान पास गराउन एमालेसँग कुनै सहमति भएको छैन्’ !

इलाम, चैत २८ । नेकपा (एमाले) का महासचिव ईश्वर पोखरेलले सबै दलको सहमतिमा संविधान संशोधन प्रस्ताव पास गराउन लागेको भन्ने प्रधानमन्त्रीको भनाइमा कुनै सत्यता नभएको टिप्पणी गरेका छन् ।

प्रेस चौतारी इलामले सदरमुकाममा सोमबार आयोजना गरेको पत्रकार सम्मेलनमा पोखरेलले संविधान संशोधनको विषयमा एमालेले पहिलेदेखि नै लिएको अडान अहिले पनि कायमै रहेको बताए । उनले भने-‘संविधान पास गराउन एमालेसँग कुनै सहमति भएको छैन् ।’

याे पनि पढ्नुस  एमालेले महासचिव पोखरेललाई बनायो शक्ति प्रदर्शनका कमाण्डर

संविधान संशोधनको कुरा बेमौसमको बाजा भन्दै महासचिव पोखरेलले संशोधनको कुरा गरेर सरकार स्थानीय तहको निर्वाचन भाँड्ने षड्यन्त्रमा लागेको आरोप लगाए ।

‘प्रधानमन्त्रीले दुई चरणमा स्थानीय निकायको निर्वाचन गर्नुपर्छ भन्ने कुरा गरिरहनुभएको छ, यो कदापि स्वीकार्य छैन्, चुनाव हुन नदिने षड्यन्त्रण हो’- उनले भने ।

याे पनि पढ्नुस  एमाले महासचिवले सरकारलाई दिए सुझावः ‘चुनाव गराउन लाग्नुस्’

एमाले संसदीय दलका उपनेता सुवासचन्द्र नेम्बाङले वैशाख ३१ गते तोकिएको स्थानीय निकायको निर्वाचन कुनै पनि हालतमा नसर्ने ठोकुवा गरे ।

‘‘जनताको वर्षाैदेखिको इच्छा, चाहनाअनुसार निर्वाचनमा भाग लिने अधिकार छ, तोकिएकै समयमा चुनाव हुनुपर्छ ’’ नेम्लेवाङ्ले भने ।

कमेन्ट गर्नुहोस्