डिपिएल क्रिकेट : रुपन्देहीद्वारा कञ्चनपुर १४ रनले पराजित

काठमाडौं, चैत २८ । धनगढी प्रिमियर लिग क्रिकेट (डिपिएल)को दोस्रो खेलमा रुपन्देही च्यालेन्जर्सले कञ्चनपुर आइकोनिकलाई १४ रनले पराजित गरेको छ ।

टस जितेर पहिले ब्याटिङ गरेको रुपन्देहीले निर्धारीत २० ओभरमा ८ विकेट गुमाएर १ सय ४५ रन बनाएको थियो ।

याे पनि पढ्नुस  धनगढीमा हुने डीपीएलको दोस्रो संस्करणका लागि सम्पन्न भयो खेलाडीहरूको निलामी

१ सय ४६ रनको लक्ष्य पछ्याएको कञ्चनपुरले ९ विकेट गुमाएर १ सय ३१ रन मात्र बनाउन सक्यो ।

रुपन्देहीका साहब आलम र कृष्ण कार्कीले तीन तीन, शक्ति गौचनले दुई साथै दिपेश श्रेष्ठले एक विकेट लिए ।

कञ्चनपुरका सागर पुनले ३८ बलमा ३९ रन, सुनिल धमलाले ३५ बलमा २८ रन, कुशल भुर्तेलले १३ बलमा २७ रन बनाएपनि जीतका पर्याप्त हुन सकेन ।

याे पनि पढ्नुस  डिपिएल-२ आइफ्लिक्समा प्रत्यक्ष प्रसारण हुने

यसअघि ब्याटिङ गरेको रुपन्देहीका हरिशंकर शाहले २४ बलमा ३३ रन, शंकर रानाले १८ बलमा १९ रन, प्रकाश केसीले २३ बलमा २६ रन, शक्ति गौचनले २० बलमा १६ रन, बिक्रम शोबले ९ बलमा १५ रन बनाएका थिए ।

कञ्चनपुरका कुशल भुर्तेलले चार, अभिनाश कर्णले दुई साथै सुनिल धमलाले एक विकेट लिएका हुन् ।

कमेन्ट गर्नुहोस्