डीपीएल क्रिकेटः चौथो खेल जित्दै रुपन्देही पहिलो स्थानमा

धनगढी, बैशाख ३ । धनगढीमा जारी धनगढी प्रिमियर लिग (डीपीएल) क्रिकेटमा लगातार चौथो जित निकाल्दै रुपन्देही च्यालेन्जर्स पहिलो स्थानमा उक्लिएको छ ।

आइतबार बिहान भएको सातौ दिनको पहिलो खेलमा रुपन्देही च्यालेन्जर्सले विराटनगर किङ्गसलाई ६१ रनले हराएर अंक तालिकाको पहिलो स्थानमा पुगेको हो ।

याे पनि पढ्नुस  पारस खड्काको कप्तानीमा रहेको धनगढी चौराहको लगातार दोस्रो हार

सेती अञ्चल प्रहरी कार्यालयको खेल मैदानमा टस जितेर पहिले व्याटिङ रोजेको रुपन्देही च्यालेन्जर्स अन्तिम थापाको सर्वाधिक ४५ रन मद्दतमा  निर्धारित बीस ओभरमा ८ विकेट गुमाई १ सय ३२ रन बनाएको थियो । रुपन्देहीका लागि कृष्ण कार्कीले २२, पुष्प थापा १७ र हरिशंकर शाहले १४ रनको योगदान दिए ।

याे पनि पढ्नुस  डिपिएलमा शनिबारको पहिलो खेल विराटनगर र कञ्चनपुरविच हुँदै

१ सय ३३ रनको बिजयी लक्ष्य पछ्याएको विराटनगर किङ्गस १८ ओभर १ बलमा अलआउट हुँदै ७१ रनमै समेटियो ।

विराटनगरको व्याटिङ ध्वस्त पार्ने क्रममा रुपन्देही च्यालेन्जर्सका साहव आलमले ४ विकेट लिए । उनले ४ ओभरमा जम्मा १९ रन दिए ।

याे पनि पढ्नुस  डिपिएलले धनगढीमा आर्थिक गतिविधि बढायो

 

अालम म्यान अफ दि म्याच समेत घोषित भए । विराटनगरलाई सस्तैमा रोक्न दिपेश श्रेष्ठ र कृष्ण कार्कीले समान ३/३ विकेट झारेका थिए ।

कमेन्ट गर्नुहोस्