उच्च आर्थिक वृद्धि गरेकोमा अर्थमन्त्रीको प्रशंसा

काठमाडौँ, वैशाख ४। मुलुकको आर्थिक वृद्धिदर उच्च बनाएको भन्दै नेपाल उद्योग वाणिज्य महासङ्घका पदाधिकारीले उपप्रधानमन्त्री तथा अर्थमन्त्री कृष्णबहादुर महराको प्रशंसा गरेका छन् ।

सरकारले चालु आवमा मुलुकको आर्थिक वृद्धिदर ६ दशमलव ५ प्रतिशत हुने प्रक्षेपण गरेको छ । सो वृद्धिदर २५ वर्षयताकै उच्च हो ।

आव २०५०÷५१ पछि यसपटक उच्च आर्थिक वृद्धिदर हुन लागेको हो । विद्युत् भार कटौती र सरकारले लिएका आर्थिक नीति एवम् आर्थिक परिचालनका कारण आर्थिक वृद्धिदर उच्च हुन लागेको हो ।

याे पनि पढ्नुस  मुलुकी अपराध (संहिता) ऐन संशोधनका लागि पहल गर्छुः सभामुख महरा

उद्योग वाणिज्य महासङ्घको नवनिर्वाचित पदाधिकारीले आज अर्थमन्त्रालयमा गरेको भेटमा उद्योगी व्यवसायीले सरकारको योजनाका कारण आर्थिक वृद्धि उच्च हुन लागेकामा खुसी व्यक्त गरेका छन् ।

मुलुकको आर्थिक वृद्धिदर उच्च भएको, लगानी मैत्री वातावरण बनेको, आर्थिक विकासमा कोल्टे फेरेको र लगानी मैत्री वातावरण बनाएकोमा अर्थमन्त्री महरालाई धन्यवाद दिदैं उनीहरुले वर्तमान सरकारको कामबाट निजी क्षेत्र उत्साहित भएको बताउनुभयो ।

महासङ्घको नवनिर्वाचित पदाधिकारीले माओवादी नेतृत्वले उठाउँदै आएको आर्थिक क्रान्तिको अवसर आएको भन्दै यस्तै लगानीको वातावरण बन्दै गएमा आगामी १० वर्षमै उच्च आर्थिक विकास हुने विश्वास व्यक्त गर्नुभयो ।

याे पनि पढ्नुस  एमाले र माअाेवादीबीचको एकता भने जस्तो सजिलो छैन्: नेता महरा

सो अवसरमा उपप्रधानमन्त्री तथा अर्थमन्त्री महराले महासङ्घको नवनिर्वाचित पदाधिकारीलाई बधाई ज्ञापन गर्दै मुलुकको आर्थिक विकासका लागि सरकारले महासङ्घसंग मिलेर काम गर्ने प्रतिबद्धता व्यक्त गर्नुभयो ।

निजी क्षेत्रलाई प्रोत्साहन गरेर नै मुलुकलाई समाजवादमा लान सकिन्छ भन्नेमा आफू दृढ रहको उल्लेख गर्दै उहाँले भन्नुभयो, “सशस्त्र युद्ध पनि हैन, शित युद्ध पनि हैन, आर्थिक विकास र समृद्धि नै पहिलो आवश्यकता हो ।”

याे पनि पढ्नुस  नेपाल-चीन सम्बन्ध समस्यारहित : महरा

उपप्रधानमन्त्री तथा अर्थमन्त्री महराले निजी क्षेत्रलाई प्रोत्साहन गर्ने खालको सहयोग एवम् प्रवद्र्धन गर्ने नीति सरकारले अगाडि सारिएको बताउनुभयो ।

भेटमा महासङ्घका नवनिर्वाचित अध्यक्ष भवानी राणा, पूर्वअध्यक्ष पशुपति मुरारका, चण्डीराज ढकाल, वरिष्ठ उपाध्यक्ष शेखर गोल्छा, उपाध्यक्ष चन्द्र ढकाल, उमेशलाल श्रेष्ठ र कोषाध्यक्ष ज्ञानेन्द्रलाल प्रधानसहित सहभागी हुनुहुन्थ्यो ।

कमेन्ट गर्नुहोस्