धर्म परिवर्तन गराउन पाइँदैन : थापा

भीमदत्तनगर, वैशाख ४ । राष्ट्रिय प्रजातन्त्र पार्टीका अध्यक्ष कमल थापाले मुलुक धर्मनिरपेक्ष राष्ट्र घोषणापछि धर्म परिवर्तन गराउने काम गर्न नहुने बताएका छन् ।

कञ्चनपुरको भीमदत्तनगरमा आयोजित महाकाली अञ्चलस्तरीय चुनावी सभालाई सम्बोधन गर्दै नेता थापाले आगामी स्थानीय तहको निर्वाचनमा आफ्नो पार्टी विजयी भएका नगर र गाउँपालिकामा धर्म परिवर्तन गराउने कार्य निषेध गरिने बताए ।

याे पनि पढ्नुस  अञ्चलस्तरीय आमसभाको तयारीमा राप्रपा

उनले यही वैशाख ३१ गते हुने निर्वाचनमा मुलुकको वर्तमान अवस्थालाई समीक्षा गरेर मतदान गर्न आग्रह गर्दै भने, ‘निर्वाचन जितेको ठाउँमा मावि तहसम्मको अध्ययन निःशुःल्कदेखि बाल विवाह र बहुविवाहमा समेत प्रतिबन्ध लगाइनेछ ।”

उपप्रधानमन्त्री एवं सङ्घीय मामिला तथा स्थानीय विकासमन्त्री थापाले मुलुक गम्भीर सङ्क्रमणबाट ग्रसित रहेकाले त्यसको निदानका लागि रोगको कारण खोजेर उपचार खोज्नुपर्नेमा जोड दिए ।

याे पनि पढ्नुस  सरकारको बचाउ गर्दै कमल थापा, ‘समय नपुग्दै आलोचना गर्नु व्यर्थ’

सभामा राप्रपाका महामन्त्री जयन्त चन्दले स्थानीय तहको निर्वाचनलाई राप्रपाले आफ्ना माग स्थापित गराउने अवसरमा रुपमा लिएको बताउँदै शान्ति र स्थायित्वका साथै संविधान कार्यान्वयनका लागि पार्टी सरकारमा गएको स्पष्ट पारे ।
रासस

कमेन्ट गर्नुहोस्