बालबालिकालाई विद्यालयको पहुँचमा ल्याउन भर्ना अभियान तीव्र

स्याङ्जा, वैशाख ७ । जिल्ला शिक्षा कार्यालय स्याङ्जाले विद्यालय उमेरसमूहका १.२ प्रतिशत बालबालिकालाई विद्यालयको पहुँचमा ल्याउन भर्ना अभियानलाई तीव्रता दिएको छ ।

सरकारले विद्यालय भर्ना अभियान सञ्चालन गरिरहेका बेला स्याङ्जामा विभिन्न क्षेत्रमा रहेका विद्यालय ५ देखि ९ उमेर समूहका १.२ प्रतिशत बालबालिकालाई विद्यालयको पहुँचमा ल्याउने पहल भइरहेको सहायक जिल्ला शिक्षा अधिकारी बाबुराम सापकोटाले बताए ।

“जिल्लामा विशेषगरी इँट्टाभट्टा, सडक बालबालिका तथा होटल रेस्टुराँमा काम गर्ने विद्यालय उमेर समूहका बालबालिकालाई विद्यालयको पहुँचसम्म ल्याउनका लागि अनौपचारिक शिक्षा कार्यक्रमअन्तर्गत अभियान चलाउने र घरदैलो गरेका छौँ”, सहायक जिशिअ सापकोटाले बताए ।

‘हामी सबैको इच्छा, अनिवार्य निःशुल्क आधारभूत शिक्षा’ भन्ने नाराका साथ सरकारले यसवर्षको विद्यार्थी भर्ना अभियान देशभर एकैसाथ सुरु गरेको छ ।

कमेन्ट गर्नुहोस्

%d bloggers like this: