मुलुककै अग्लाे नमूना पुल निर्माण हुने

पर्वत, वैशाख ७ । पर्वत जिल्लामा फेरि अर्को अग्लो पुलैपुलको मुलुककै नमुना पुल निर्माण हुने भएको छ ।

छिमेकी जिल्ला बागलुङको सदरमुकाम बागलुङ बजार र पर्वतको सदरमुकाम कुश्मा नगरपालिका–१ पाङ जोड्ने पुलको निर्माण कार्य सुरु भएको हो । यो पर्वतको पाँचौँ अग्लो झोलुङ्गे पुल हुने भएको छ ।

स्थानीय पूर्वाधार विकास तथा कृषि सडक विभागले कुश्मा नगरपालिका–१ पाङदेखि बागलुङ नगरपालिका–१ रामरेखा जोड्ने गरी उक्त झोलुङ्गे पुल निर्माणका लागि चालु आवमा रु दुई करोड विनियोजन भइसकेको जिल्ला समन्वय समिति पर्वतले जनाएको छ । पुल निर्माणका लागि सरकारले पहिलो चरणअन्तर्गत विस्तृत सर्वेक्षण गरी लागत स्टिमेटको विवरण तयार गरिसकेको छ । उक्त पुललाई टेन्डर प्रक्रियामार्फत आगामी दुई वर्षभित्र सम्पन्न गर्ने लक्ष्य रहेको छ ।

याे पनि पढ्नुस  धवलागिरी अञ्चललाई वाम किल्ला बनाउने पौडेलको उद्घोष

विज्ञहरुले तयार गरेको लागत विवरणको स्टिमेट विभागमार्फत जिल्लामा अनुमोदनका लागि प्राप्त भएपछि थप कार्य अगाडि बढाइएको जिल्ला प्राविधिक कार्यालय पर्वतका प्राविधिक शिव बरालले जानकारी दिए ।

उक्त पुल निर्माण भएपछि भने पाङ र बागलुङ जिल्ला प्रत्यक्ष रुपमा जोडिने छन् । यस्तै पर्वतको कुश्मा नगरपालिका–७ स्थित खरेहाबाट कुश्मा नगरपालिका–१० ज्ञादी जोड्ने मोदीखोलामाथि पनि अर्को अग्लो पुलको पनि निर्माण कार्य सुरु गर्ने तयारी भएको छ ।

याे पनि पढ्नुस  दुई सय महिलाको निःशुल्क पाठेघर तथा स्तन परीक्षण

पर्वतमा यसअघि मुलुककै अग्ला तीनवटा कुश्मा–ज्ञादी जोड्ने, बडागाउँ–मुडिकुवा र बागलुङको बलेवा क्षेत्रसँग जोड्ने वडागाउँ–कैया झोलुङ्गे पुल निर्माण भइसकेका छन् ।

कमेन्ट गर्नुहोस्