चुनाव अाउन १२ दिन बाँकी हुँदासम्म जुम्लामा अझै प्रमुख पदमा दलितको नाम चर्चामा अाउन सकेन

जुम्ला, वैशाख ९ । स्थानीय तहको निर्वाचन आउन अब २१ दिनमात्र बाँकी हुँदा पनि जुम्लामा कुनै पनि पार्टीबाट प्रमुख पदका लागि दलितको नाम चर्चामा आउन सकेको छैन ।

जुम्लामा एक नगरपालिकासहित सात गाउँपालिकाको प्रमुख उपप्रमुख कुनै पदमा कुनै पनि दलले दलितको नाम अघि सारेका छ्रैनन् ।

नगर गाउँपालिका गरी ६० वडा भएको जुम्लामा गुठिचौर गाउँपालिका– ५ मा नेकपा (माओवादी केन्द्र)ले नेपाल दलित मुक्ति मोर्चाका केन्द्रीय सदस्य चन्द्रबहादुर नेपालीलाई वडाध्यक्ष पदमा सिफारिस गर्नुबाहेक अन्य कुनै ठाउँमा दलितको नाम अघि बढेको छैन ।

याे पनि पढ्नुस  अब विदेश बस्ने नेपालीले पनि मतदान गर्न पाउने

विगतको संस्कृतिलाई पछ्याउँदै दलहरुले यसपटक पनि दलित जातिलाई भोट बैंकको रुपमा प्रयोग गर्न लागेको नेकपा माओवादी केन्द्रका केन्द्रीय आयोजक कमिटी सदस्य लालबहादुर सार्की प्रष्ट्याउनुहुन्छ । दलितलाई कार्यकारी पद दिनुप¥यो भनेर तातोपानी गाउँपालिकाको प्रमुख पदमा आफूले दाबी गरेको सदस्य सार्कीले बताउनुभयो । “जातीय विभेद् अन्त भए पनि राजनीति विभेद् कायमै रहेको छ, जसका कारण दलित उपेक्षामा परेका छन्,” उहाँले भन्नुभयो ।

याे पनि पढ्नुस  प्रमुख पदमा महिला उम्मेदवारका लागि सिफारिस

राज्यले व्यवस्था गरेको समावेशीतालाई लिएर दलहरुले फाइदा उठाएको उहाँको आरोप छ । राप्रपाका पूर्व केन्द्रीय सदस्य मनसुर सुनारले कुनै पनि पार्टीले जिम्मेवार पदको टिकट नदिँदा दलितको अपमान भएको बताउनुभयो । दलितलाई भोटका लागि मात्र प्रयोग गरेको उहाँको बुझाइ छ ।

वडाध्यक्ष पद नपाउने दलितका लागि मेयर उपमेयर पद त कल्पना भन्दा बाहिर भएको उहाँको तर्क थियो ।

याे पनि पढ्नुस  ‘स्थानीय तहको निर्वाचन भएमा हाम्रो संयुक्त प्यानल हुनेछ’

नेपाली काँग्रेस जुम्लाका महाधिवेशन प्रतिनिधि जनक कामीले वडा, गाउँ हुँदै नगरपालिकासम्म दलित प्रमुख पदमा आउने विषयमा पार्टीभित्र छलफल भइरहेको तर टुङ्गो लागिनसकेको बताउनुभयो ।

नेकपा एमाले निकट दलित जातीय उत्पीडित मुक्तिमोर्चाका जुम्ला अध्यक्ष धनकृष्ण नेपालीले दलितभित्रको क्षमताको कदर कुनै दलले नगरेको गुनासो गर्नुभयो । नेपालको राजनीति परिवर्तन र विकासको इतिहासमा दलितको योगदान हुँदा पनि पुरातन सोचबाट दलितलाई लत्याइएको उहाँको बुझाइ छ ।

कमेन्ट गर्नुहोस्