दुई चरणमा चुनाव गर्ने प्रस्तावमा ओली सहमत, संशोधनका बारेमा प्रस्ताव हेरेर निर्णय गर्ने

काठमाडौं, वैशाख १० । सरकार र मधेसी मोर्चाबीच संविधान संशोधन तथा स्थानीय तहको चुनावलाई प्रमुख प्रतिपक्षी दलका नेता केपी शर्मा ओलीले सकारात्मक बताएका छन् ।

ओलीलाई भेट्न बालकोट पुगेका प्रधानमन्त्री प्रचण्डसँग दुई चरणमा चुनाव गर्ने प्रस्ताव आफूहरुलाई मान्य भएको बताएका थिए ।

प्रधानमन्त्री सचिवालयलार्य दिएको जानकारी अनुसार अध्यक्ष ओलीले वैशाख ३१ मा पहिलो चरणको र त्यसपछि दोस्रो चरणको निर्वाचन गर्ने विषयमा कुनै आपत्ति नहुने बताएका छन् ।

शनिबार साँझ मोर्चासँग सरकारले गरेको सहमतिअनुसार संशोधन प्रस्तावका बारेमा भने प्रस्ताव हेरेर धारणा बनाउने ओलीले बताएका थिए ।

‘तपाईंहरुले बनाएको प्रस्ताव पुरै स्वीकार गर्ने, आलोचनात्मक समर्थन गरेर पारित गर्ने अथवा विरोध गर्ने कुरा प्रस्ताव अध्ययन गरेपछि हामीले धारणा बनाउँछौं ।’ प्रधानमन्त्री प्रचण्डसँग केपी ओलीले भने ।

विपक्षी दललाई समेत सहमतिमा ल्याएर स्थानीय निर्वाचन र संविधान संशोधन गरी देशलाई निकासतर्फ लैजाने मनसायले प्रधानमन्त्री प्रचण्ड मन्त्रिपरिषद बैठक रोकेर ओली निवास बालकोट पुगेका थिए ।

ओलीसँगको भेट सकारात्मक रहेको र छिट्टै नै गतिरोध अन्त्य भई सहजतालाई निर्वाचन सम्पन्न हुने विश्वास भेटपछि प्रचण्डले व्यक्त गरेका छन् ।

कमेन्ट गर्नुहोस्