रेखा थापालाई पार्टी फापेन

पुष्पा महरा /

वैशाख १० । नेपाली चलचित्र उद्योगमा एकछत्र राज गरेकी नायिका रेखा थापा जब पार्टी प्रवेश गरिन तवदेखि नै उनलाई नेपाली राजनीति नफापेको टिका टिप्पणी गर्न थालिएको छ ।

दर्शकको न्यानो माया पारेर निकै नै चर्चामा रहेकी रेखाले माओवादीमा प्रवेश गरेपछि संविधान सभा निर्वाचनमा उम्मेदवार बनाउने चर्चा चल्यो तर मतदाता नामावलीमा नाम नभएका कारण उनलाई उम्मेदवार बनाइएन । त्यसपछि विक्षिप्त बनेकी रेखाले त्यस्तै ठाउँ पाइन्छ कि भनेर राष्ट्रिय प्रजातन्त्र पार्टी (राप्रपा)मा प्रवेश गरिन् ।

राप्रपाको तर्फबाट काठमाडौं महानगरपालिकाको उपमेयरमा घोषणा गर्ने निकै चर्चामा चलेको थियो । उनी खसी पनि थिइन् । तर राप्रपालाई पनि आफ्नो स्थान ओगट्नु छ आन्ततः राप्रपाले पनि अभिनेत्री रेखासँग फिलिम खेले जस्तै ग¥यो । अभिनेत्री रेखालाई उपमेयरका लागि राप्रपाले सो नाम सिफारिस नै गरेन ।

दुई पार्टीबीच एकता हुनुभन्दा केही समयअघि मात्रै राप्रपामा प्रवेश गरेकी अभिनेतृ थापा तथा राप्रपाकी केन्द्रिय सदस्य रेखा थापा पार्टीको स्थानीय समितिको सिफारिसमा समेत पर्न सकिनन् ।

राष्ट्रिय प्रजातन्त्र पार्टीको काठमाडौं महानगर कार्यसमितिले महानगरको मेयरमा राजाराम श्रेष्ठलाई उम्मेदवारीका लागि निर्विरोध सिफारिस गरेको छ ।

उपमेयरमा सोनाम शाक्य, रेश्मा शाह, गंगा विक, सुधा जोशी र कुन्ती देवी पोखरेललाई सिफारिस गरिएको छ ।

यसपटक पनि स्थानीय तह निर्वाचनमा काठमाडौंको वडा नम्बर ७ को मतदाता नामावलीमा उनको नाम रहेको छ । राप्रपाले स्थानीय तहको निर्वाचनमा वैचारिक तथा सैद्धान्तिक रुपमा नजिक रहेका दलसँग चुनावी तालमेल गर्ने भएको छ ।

पार्टीले आफू हार्ने स्थानमा अन्य दललाई सहयोग गर्ने तथा जित्ने सम्भावना भएका स्थानमा अन्य दलको सहयोग लिने गरी तालमेलको योजनामा छ । त्यसैले पनि अभिनेतृ रेखालाई पार्टी नफापेको टिप्पणी गर्दैछन् जानकारहरु ।

कमेन्ट गर्नुहोस्

%d bloggers like this: