डिआइजी सिलवाललाई थुनामुक्त गर्न सर्वाेच्चको आदेश

काठमाडौं, वैशाख ११ । सर्वोच्च अदालतले नेपाल प्रहरीका डिआईजी नवराज सिलवाललाई अदालतमा उपस्थित गराउन आदेश दिएको छ।

बन्दी प्रत्यक्षीकरणको रिटमा सुनुवाई गर्दै प्रधानन्यायाधीश सुशिला कार्कीको एकल इजलासले सर्वोच्चका रजिष्टरको रोहवरमा अधिवक्ता शम्भु थापाको जमानीमा सिलवाललाई थुनामक्त गरी सर्वोच्चमा उपस्थित गराउन आदेश दिएको हो ।

याे पनि पढ्नुस  राष्ट्रपति चुनावमा ट्रम्पले वित्तीय नियमको उल्लङ्घन गरेको आरोप, नजिकका २ सहयोगीलार्इ जेल सजाय

यसअघि, नेपाल प्रहरीले सिलवाललाई अधिवक्ता पुर्णप्रसाद राजवंशीले सिलवाललाई बिहीबार प्रहरीले गैरकानुनीरुपमा नियन्त्रणमा लिएको भन्दै बन्दी प्रत्यक्षीकरणको सर्वोच्चमा रिट दायर भएको थियो ।

महानिरीक्षक प्रकाश अर्यालले बोलाएको बैठकमा उपस्थित नभएको, कागजात किर्ते गरेको लगायतका आरोपबारे बयानमा बोलाउँदा नगएपछि सिलवाललाई नियन्त्रणमा लिएर प्रहरी प्रधान कार्यालय उपस्थित गराइएको हो ।

याे पनि पढ्नुस  कर छल्नेविरुद्ध तीन अर्ब बिगो दाबी

प्रहरीको छानविन समितिले समेत सिलवालसँग बयान लिएको छ । प्रहरी प्रवक्ता सर्वेन्द्र खनालले सिलवाललाई बयानका लागि बोलाइएको बताए । सर्वोच्चमा कार्यसम्पादन मुल्याकंन फाइल पेश गर्ने क्रममा किर्ते गरेको पाइएको भन्दै सरकारले प्रहरी प्रधान कार्यालयलाई छानविन गर्न निर्देशन दिएपछि सिलवालमाथि अनुसन्धान प्रक्रिया अगाडी बढाइएको बताइएको छ ।

कमेन्ट गर्नुहोस्