प्रधानमन्त्री प्रचण्डको निर्देशनपछि काठमाडौँको सफाई अभियान सुरु

काठमाडौं, वैशाख १२ । काठमाडौं उपत्यकाको धुलो कम गर्न प्रधानमन्त्री पुष्पकमल दाहाल ‘प्रचण्ड’ले स्थानीय विकास मन्त्रालय र काठमाडौं महानगरपालिकाका कर्मचारीलाई निर्देशन दिएपछि महानगरपालिकाले काठमाडौं सफाई अभियान सुरु गरेको छ ।

सोमबार बेलुकादेखि काठमाडौं महानगरपालिकाले दमकल प्रयोग गरी सडक सफा गर्ने अभियान सुरु गरेको हो । मेलम्ची खानेपानीको पाइप बिच्छ्याउने क्रममा खनिएका सडकका कारण काठमाडौं उपत्यकाका अधिकांश सडक धुलाम्मे भए काठमाडौंबासीले सास्ती खेप्नुपरेपछि प्रधानमन्त्री प्रचण्डले तत्काल र नियमित रुपमा सडक सफा गर्न मन्त्रालय र महानगरपालिकाका कर्मचारीलाई निर्देशन दिएका थिए ।

याे पनि पढ्नुस  प्रचण्डले ल्याए जनकपुर विकासको नयाँ खाका

सरकारले ब्रुमर खरिद गर्न ९ करोड निकासा गरेपछि महानगरपालिकाले काठमाडौं उपत्यकाका सडकहरुमा पानीको फोहोराले सडक सफा गर्न थालेको हो । अभियानअन्तर्गत सोमबार बेलुका काठमाडौंको कमलादी, पुतली सडक आसपासका क्षेत्रको सडक सफा गरिएको छ । सवारी साधनको चापलाई मध्यनजर गरी महानगरपालिकाले रातिको समयमा सडक सफा गर्न लागेको हो ।

याे पनि पढ्नुस  रुकुम पुगेर प्रचण्डले दिए निर्देशन : ‘जनयुद्दकै कारण यति उपलब्धी भयो, अब चुनावको लडाईमा लाग्नुस्’

प्रधानमन्त्रीले सफाई अभियानका लागि सरकार जस्तोसुकै सहयोग गर्न तयार रहेको तर अभियान छिटो सुरु गर्नुपर्ने निर्देशन दिएपछि महानगरपालिकाले अब नियमितरुपमा सडक सफा गर्न लागेको हो ।

पहिलो चरणमा मेलम्चीको पाइप बिच्छाएर पीच गरिएका सडकहरु सफा गरिनेछ । सडक सफा गर्न रातिको समयमा महानगरले दुई वटा दमकलसहित ४ वटा ट्यांकरको प्रयोग गर्नेछ । बालाजुबाट पानी ल्याएर सडक सफा गरिने छ ।

याे पनि पढ्नुस  देवी ज्ञवाली भन्छन् –'प्रचण्डलाई नेता मानिसकें'

दैनिक ४ देखि ६ किलोमिटर सडक सफा गर्ने महानगरपालिकाको तयारी छ । राति ९ बजेदेखि १२ बजेसम्म महानगरका सफाइ सेवाका कर्मचारी सडक पखाल्न खटिनेछन् । पानीको फोहोरा लगाएर सडकमा जमेको माटो र धुलो हटाइनेछ ।

प्रधानमन्त्रीको निर्देशनपछि काठमाडौं महानगरपालिकाका प्रमूख कार्यकारी ईश्वर पौडेल आफैं सडक सफाई अभियानमा खटिएका छन् । पौडेलको क्रियाशीलतापछि उपत्यकाको सफाई अभियानले गति लिएको छ ।

कमेन्ट गर्नुहोस्