आईजीपीका लागि योग्यताक्रम सिफारिस प्रतिवेदन मन्त्रिपरिषदमा पुग्यो

काठमाडौ,बैशाख १४ । आईजीपीका लागि योग्यताक्रम सिफारिस गर्न गठित समितिले तयार प्रतिवेदन  मन्त्रिपरिषदमा बुझाएको छ । सर्वोच्च अदालतमा पेस गर्न तयार पारेको प्रतिवेदन बुधवार मन्त्रिपरिषदमा बुझाइएको हाे । कार्यसम्पादन मूल्यांकन (कासमू) सहितको प्रतिवेदन आईजीपी विवादमा वैशाख १९ गते हुने सुनुवाइका लागि सर्वोच्चमा पेस गरिनेछ । आईजीपीका प्रतिस्पर्धी प्रहरी नायब महानिरीक्षक (डीआईजी) नवराज सिलवालले सरकारविरुद्ध दायर गरेको रिटमा सर्वोच्चको बृहत् पूर्ण इजलासबाट भएको आदेश ध्यानमा राखी प्रतिवेदन तयार पारिएको हो । आजको अन्नपुर्ण पोष्टमा  खबर छ ।

महान्यायाधिवक्ता रमनकुमार श्रेष्ठ, प्रधानमन्त्री तथा मन्त्रिपरिषद् कार्यालयका सचिव टंकमणि शर्मा, गृहसचिव लोकदर्शन रेग्मी, कानुनसचिव कमलशाली घिमिरे र निमित्त प्रहरी महानिरीक्षक डा. दिनेशचन्द्र पोखरेल समावेश समितिले सिलवालसहित चार डीआईजीले चार वर्षमा पाएको अंकसहित योग्यताक्रम कायम गर्दै प्रतिवेदन तयार पारी बुझाएको हो ।

 

कमेन्ट गर्नुहोस्

%d bloggers like this: