राधिका दाहालको ‘रस रङ्ग’ लोकार्पण

काठमाडाैं, बैशाख १६ । शारीरिक रुपमा अशक्त राधिका दाहालको लोकदोहोरी एल्बम ‘रस रङ्ग’को लोकार्पण गरिएको छ ।

कृतिको हिसाबले ११ रहेको यस दोस्रो एल्बमको पूर्व प्रधानमन्त्री झलनाथ खनालले लोकार्पण गरेका थिए ।

कार्यक्रममा साहित्यकार यज्ञनिधी दाहाल, काँग्रेसका मनोजमणी आचार्य, प्रतिमा गौतम, कलाकार मनोज गजुरेल लगायतको उपस्थिति थियो ।

कमलादीस्थित सिडब्लु रेष्टुरेन्टमा गरिएको कार्यक्रममा गायिका दाहालले अनेक दुःखका बाबजुद् एल्बम ल्याउन सकेको बताईन् । उनले भनिन् ‘लोक भाकाको संरक्षणमा मेरो प्रयासले सबैको मन छुनेछ ।’

कार्यक्रममा विभिन्न वक्ताहरुले असक्तताका बीचको दाहालको रचनात्मक कार्यको खुलेर प्रशंसा गरेका थिए ।

अडियो भिडियोले बजारमा ल्याएको ‘रस रङ्ग’को मूल्य रु दुई सय ५० रहेको छ ।

कमेन्ट गर्नुहोस्

%d bloggers like this: