दलहरू मिलाउने जिम्मा नेपाली कांग्रेसकाे हाे : नेता आचार्य

काठमाडौँ, वैशाख १६ । नेपाली काँग्रेसका नेता महेश आचार्यले हिमाल, पहाड, मधेस मिलाउने मुख्य जिम्मा नेपाली काँग्रेसको रहेको बताएका छन् । संविधानको रक्षाका लागि तोकिएकै मितिमा निर्वाचन हुनुपर्ने बताउँदै पूर्व अर्थमन्त्रीसमेत रहेका नेता आचार्यले सबै दललाई मिलाएर निर्वाचनमा लैजानु नै काँग्रेसको मुख्य चुनौती भएको बताए ।

नेपाली काँग्रेस मोरङ–काठमाडौँ सम्पर्क समितिले आयोजना गरेको ‘स्थानीय निर्वाचनमा नेपाली काँग्रेसको भूमिका र चुनौतीहरु’ विषयक विचार गोष्ठीमा नेता आचार्यले काँग्रेसले स्थानीय तहका लागि ल्याएको घोषणापत्र समयअनुसार सान्दर्भिक रहेको बताए ।

याे पनि पढ्नुस  काँग्रेस कार्यसम्पादन समितिको बैठक

उनले काँग्रेसको विचारको राजधानी विराटरनगर भएको भन्दै विराटनगरमा काँग्रेसलाई पहिलो पार्टी बनाउन कार्यकर्तालाई निर्देशनसमेत दिए ।

काँग्रेस नेता डा. मीनेन्द्र रिजालले सिंहदरबारको अधिकार गाँउगाउँसम्म पु¥याउने भएकाले स्थानीय तहको निर्वाचन चाँडो हुनुपर्ने बताए ।

उनले भने, “काँग्रेस नै निर्वाचनको बारेमा आशंका गरे निर्वाचन नचाहने तत्वलाई फाइदा पुग्छ त्यसैले निर्वाचनबारे आशंका नगरौँ ।”

याे पनि पढ्नुस  कांग्रेस महामन्त्री कोइराला भन्छन्,-‘पार्टी एकढिक्का भए कसैले पनि पराजित गर्न सक्दैन’

नेता डा रिजालले संविधान सबैको स्वीकार्य बनाउनका लागि संविधान संशोधनको प्रस्ताव संसदमा पेश गरेको बताए ।

काँग्रेस केन्द्रीय सदस्य गुरुराज घिमिरेले स्थानीय तहको निर्वाचन गरेर मुलुकलाई विकासको बाटोमा अगाडि लैजानुपर्नेमा जोड दिँदै स्थानीय तह बुझेका व्यक्तिलाई पार्टीले टिकट दिनुपर्ने बताए ।

याे पनि पढ्नुस  का‌ंग्रेस प्रवक्तामा शर्मा नियुक्त

सांसद अमृत अर्यालले कार्यपालिका, व्यवस्थापिका र न्यायपालिका बुझेको व्यक्तिलाई स्थानीय तहको उम्मेद्वार बनाउनुपर्ने बताए ।

काँग्रेस मोरङका सभापति डिगबहादुर लिम्बुले लामो समयदेखि हुन नसकेको निर्वाचन वैशाख ३१ मा हुन लागेको भन्दै निर्वाचनमा काँग्रेसलाई विजय गराउन सबै एकजुट हुनुपर्ने बताए ।

कमेन्ट गर्नुहोस्