निर्वाचनको मिति फेरी सर्न सक्ने

काठमाँडौ,  दोश्रो चरणको स्थानीय तह निर्वाचनको मिति फेरी सर्न सक्ने देखिएको छ ।

इस्लाम धर्मावलंबिहरूले आषाढ़ ९ गतेका लागि तय गरीएको मिति सार्न आग्रह गरेपछि यसमा समेत हेरफेर हुने भएको हो ।
असार ९ गते मुस्लिमहरुको मूख्य पर्व रमझान परेको र अब हुने प्रदेशहरुमा नै बसोबासको बाहुल्यता रहेका ४% मुस्लिमहरु निर्वाचन सहभागी हुन नसक्ने देखिएकाले असार ९ गते तोकिएको दोस्रो चरणको स्थानीय तह निर्वाचनको मिति हेरफेर हुने गर्न प्रधानमंत्री समक्ष आग्रह गरेका छन ।

मुस्लिम समुदायको ज्ञापन पत्र बुझ्दै प्रधानमन्त्री पुष्पकमल दाहाल ‘प्रचण्ड’ले भन्नुभयो, ‘आज तपाईहरुलाई मैले नै यहाँ बोलाएको हुँ । हिजो मात्रै हामीले क्याबिनेटबाट चुनावको मिति सार्ने निर्णय गरेका थियौं । तर, असार ९ गते रमझान चाड पर्छ भन्ने कसैलाई पनि हेक्का रहेनछ । सरकार तपाईहरुको मागप्रति सकारात्मक छ, निर्वाचन आयोग र दलहरुसँग छलफल गरेर तपाईहरुको माग सम्बोधन गर्छाैं ।’
प्रधानमन्त्रीले भन्नुभयो, ‘असारमा चुनावको मिति तोकिएको छ, मनसुनका कारण चुनाव प्रभावित होला कि भन्ने चिन्ता पनि छ । हामीले जुनकुनै हालतमा चुनाव गर्नुपर्छ । निर्वाचनले मात्रै राजनीतिक संक्रमणको अन्त्य गरी देशलाई राजनीतिक स्थिरता र विकासतिर लैजानेछ । तसर्थ, निर्वाचन गर्नैपर्छ । तर, रमझान पर्व प्रभावित नहुने व्यवस्था गर्न हामीले आवश्यक निर्णय गर्नेछौं ।’ निर्वाचन नभए संघीयता, धर्मनिरपेक्षता, गणतन्त्र जस्ता उपलब्धिहरुलाई संस्थागत गर्न कठिन हुने बताउँदै प्रधानमन्त्रीले निर्वाचनको बिकल्प निर्वाचन मात्रै भएकोमा जोड दिनुभयो ।
भेटमा मुस्लिम समुदायका प्रतिनिधिहरुले असार ९ गते रमझान पर्व पर्ने भएकाले मुस्लिम समुदाय निर्वाचनमा सहभागी हुन कठिनाई हुने बताउँदै असार ९ गतेको निर्वाचन सार्न र सो दिनका लागि कक्षा ११ को परीक्षासमेत स्थगित गर्न प्रधानमन्त्रीसँग माग गर्नुभएको थियो ।

कमेन्ट गर्नुहोस्