एमाले र राजपाबीच चर्काचर्की, संयुक्त बैठक जारी

काठमाडौं, जेठ ३१ । दोश्रो चरणको निर्वाचन तथा संविधान संशोधनबारे सहमति खोज्न बसेको संयुक्त बैठकमा एमाले र राजपा नेताबीच चर्काचर्की परेको छ ।

मंगलबार शीर्ष ४ दलको बैठकले राजपालाई समेत बोलाएर निर्वाचनबारे सहमति खोज्ने निर्णय गरे अनुसार आज बैठक बसेको हो ।

सिंहदरबारमा जारी बैठकमा राजपालाई समेत निर्वाचनमा सहभागी गराउने विषयमा छलफल शुरु भएको थियो । सरकारले राजपा निर्वाचनमा आउने शर्तमा निर्वाचनको मिति सार्न सकिने सम्मको लचकता देखाउनुपर्ने संकेत दिएपछि एमालेले त्यसको कडा बिरोध गरेको हो ।

याे पनि पढ्नुस  जनयुद्दको आधारबस्तीलाई जनसत्तामा रुपान्तरण गर्छौ– विज्ञान, सुवर्णावती गापा अध्यक्षका उम्मेदवार

एमालेले न संविधान संशोधन हुन दिने, न मधेसका जनताका भावना बुझ्ने भन्दै राजपाका नेताहरु एमाले नेताहरुमाथि खनिएको बैठकमा सहभागी एक शीर्ष नेताले एभरेष्टदैनिक डटकमलाई बताए । “सरकारका तर्फबाट सहमतिका लागि अधिकतम लचकता अपनाउन तयार भएको प्रधानमन्त्रीले बताएपछि एमालेका नेताहरुले जे सुकै होस्, मिति चाहिँ सार्न पाइन्न भने । त्यसपछि राजपाका नेताहरुले आपत्ती व्यक्त गरे ।” उनले भने ।

याे पनि पढ्नुस  जनयुद्दको आधारबस्तीलाई जनसत्तामा रुपान्तरण गर्छौ– विज्ञान, सुवर्णावती गापा अध्यक्षका उम्मेदवार

एमालेका नेताहरुले राजपाले आन्दोलन फिर्ता लिएर चुनावमा आउनुपर्ने नभए सेना परिचालन गरेर भएपनि चुनाव गर्नुपर्ने बताइरहेका छन् ।

बैठकमा स्थानीय तहको दोस्रो चरणको चुनावमा राजपाको सहभागिताका लागि के गर्न सकिन्छ भन्ने बिषयमा छलफल भइरहेको छ । निर्वाचन आयोगले दोस्रो चरणको चुनावका लागि शुक्रबार उम्मेदवारी मनोनयन तोकेको छ ।

याे पनि पढ्नुस  जनयुद्दको आधारबस्तीलाई जनसत्तामा रुपान्तरण गर्छौ– विज्ञान, सुवर्णावती गापा अध्यक्षका उम्मेदवार

बैठकमा प्रधानमन्त्री शेरबहादुर देउवा, एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाललगायतका नेताहरु रहेका छन् भने स‌ंघीय गठबन्धन र राजपाका तर्फबाट महन्थ ठाकुर, महेन्द्र राय यादव, शरतसिंह भण्डारीलगायतका नेताहरु सहभागी छन् ।

कमेन्ट गर्नुहोस्