असार १४ को मिति नसार्न प्रचण्डको प्रस्ताव, भोली फेरी संयुक्त बैठक

काठमाडौं, जेठ ३१ । राजपा र एमालेसहित सत्तारुढ दलहरुको बैठक भोली पुनः बस्ने गरी टुंगिएको छ ।

बैठकमा माओवादी केन्द्रका अध्यक्ष तथा पूर्व प्रधानमन्त्री प्रचण्डले घोषित असार १४ को निर्वाचन नसार्न प्रस्ताव गरेका थिए । प्रचण्डले निर्वाचन आयोगसँग उम्मेदवार मनोनयनलगायतका प्रक्रियाका बारेमा छलफल गरेर भएपनि तयार गर्ने तर चुनाव नसार्ने प्रस्ताव राखेको बैठकमा सहभागी एक नेताले बताए ।
“मिति चाहिँ नसारौं भन्नु भो वहाँले” प्रचण्डको भनाई उद्दृत गर्दै उनले भने, “बरु मनोनयनलगायतका विषयमा दुई गतेको मिति सार्न निर्वाचन आयोगसँग परामर्श गरौं । राजपाका मागहरुबारे पनि छलफल गरौं । तर निर्वाचन चाहिँ तोकिएकै मितिमा गरौं ।”

याे पनि पढ्नुस  निर्मला हत्या छानबीनमा प्रचण्डले अग्रसरता लिएपछि, अब शून्यबाट अनुसन्धान हुने, को को मुछिएलान् ?

बैठकमा प्रचण्डले संविधान संशोधन असार १४ गते अघि सम्भव नभएपनि एमालेले सहयोग गर्ने प्रतिबद्धता जनाएको खण्डमा राजपाले चुनावमा भाग लिन आनाकानी गर्न नहुने समेत बताएका थिए । राजपाका नेताहरुले पनि प्रचण्डको कुरामा सहमति व्यक्त गर्दै निर्वाचनका लागि तयारी गर्न आयोगले सहयोग गर्ने र प्रतिपक्षलगायतले संविधान संशोधन गर्न ग्यारेण्टी गर्ने अवस्थामा चुनावमा भाग लिन सकिने संकेत बैठकमा गरेका छन् ।
यद्यपी एमालेले भने आजको बैठकमा समेत आफ्नो पुरानै अडान दोहोर्याएको छ ।

याे पनि पढ्नुस  प्रचण्डको दाबी- कम्युनिस्ट सरकारबाट रुपान्तरण सम्भव छ

दलहरुबीच भोली बिहान ९ बजे निर्वाचन आयोगसँग परामर्श गर्ने र बिहान दश बजे फेरी सहमतिका लागि बैठक बस्नुपर्ने सहमति बनेको छ ।

कमेन्ट गर्नुहोस्