‘एमाले पैसा बाँड्न गाउँ पसेको’ भन्दै कैलाली र कन्चनपुरमा पहरेदारी

अतरिया, असार १३ । प्रहरीले गएराती “कैलालीको फुलबारीमा पैसा बाँडन गाउँ पुगेको एमाले कार्यकर्तालाई प्रहरीले भगाएको” भन्दै माओवादी र कांग्रेसले आफ्नो आधार गाउँको घेराबन्दी शुरु गरेका छन् ।

पैसा र मतदातालाई लोभ्याउने किसिमले कसैले प्रभाव पार्न नसकोस भन्दै जिल्लाका कतिपय गाउँहरुमा दलहरुले पहरेदारी शुरु गरेका हुन ।

मेयरका एमाले उम्मेदवार दुर्गा जोशीले गएराति कैलालीको फूलबारीमा पैसा बाँडेको नेकपा माओवादी केन्द्र र नेपाली कांग्रेसको आरोप छ । राति १२ बजेतिर गाडीसहित फूलबारीको सी गाँउमा फेला परेका उम्मेदवार जोशीलाई माओवादी केन्द्र र कांग्रेसका कार्यकर्ताले नियन्त्रणमा लिन खोजेपछि सशस्त्र प्रहरीले खानतलासी नगरेरै छोडेको उनीहरुले आरोप लगाएका छन् ।

याे पनि पढ्नुस  महाकाली सन्धिको बाइस वर्ष : हेड रेगुलेटर र नहर अझै निर्माण भएन

काग्रेस र माओवादीका कार्यकर्ताले राति २ बजेसम्म सशस्त्र प्रहरी बलको अस्थायी बेसक्याम्प घेराउ गरेका थिए ।

फुलबारीको घटनापछि कञ्चनपुरको पुनर्वास, बेलौरी, शुक्लाफाँटा र कृष्णपुर नगरपालिकामा आफ्नो आधार क्षेत्र भएका गाउँहरुमा नयाँ मान्छे प्रवेश नगरोस भनेर कांग्रेस र माओवादीले कार्यकर्ता नै खटाएका छन् । “जनताले जसलाई मत दिन चाहन्छन्, उनीहरुलाई स्वतन्त्र छोडिदिनुपर्छ । मौन अवधिमा पैसा बाँड्ने या अरु प्रलोभनमा पार्ने काम एमालेले गरेको पुष्टि भएपछि यसो गर्नु परेको हो ।” बेलौरी बैजुडाँगाका अमर थारु चौधरीले बताए ।

याे पनि पढ्नुस  प्रचण्डद्वारा कञ्चनपुर घटनामा उच्चस्तरीय न्यायिक समिति गठन गर्न प्रधानमन्त्रीसँग आग्रह

यता कैलालीको अतरिया, गोदावरीका बिभिन्न गाउँहरु, चौमाला, टिकापुरभित्रका बस्तीहरुमा समेत कार्यकर्ताहरु चनाखो भएका छन् । कञ्चनपुरको वेदकोटमा एमालेले माओवादी केन्द्रविरुद्ध मौन समयमा भ्रमपूर्ण प्रचार गरेको भन्दै माओवादी केन्द्रले बिरोध गरेको छ । माओवादी केन्द्रका प्रचार प्रसार संयोजक सरल भट्टले एमालेले निर्वाचन आचार संहिताको उल्लंघन गरेर मतदातासमक्ष केन्द्रको उम्मेदवारले एमालेलाई समर्थन गरेको हल्ला फिजाइएको र केही स्थानमा केही बस्तीमा पुगेर आर्थिक चलखेल गरिएको आरोप लगाए । यद्यपी उनको आरोपलाई एमालेले भने खण्डन गरेको छ ।

राजनीतिक दलहरुले कतै नमस्कार भन्दै हात मिलाउँदा पैसा दिने, कतै रक्सी लगेर गाउँ जाने काम भएको उनीहरुको आरोप छ । सबै दलले सबैलाई पैसा बाँडेको आरोप लगाएपनि फुलबारीको घटनाले एमालेले नै पैसा बाँडन बढी कसरत गरेको उनी बताउँछन् ।

याे पनि पढ्नुस  प्रविधिले सेवामा सहज, सुगम, पारदर्शिता ल्याउँछ, यसले उत्पादकत्व वृद्धि गर्छः प्रधानमन्त्री ओली

निर्वाचनको मौन समयमा राजनीतिक दललगायत सबैले कुनै पनि उम्मेदवार या दललाई प्रचार प्रसार गर्ने किसिमको कार्य गर्न नहुने निर्वाचन आचारसंहितामा उल्लेख गरिएको छ । एमालेले भने आफूले केही नगरेको बरु कांग्रेस र माओवादीले सत्ताको प्रयोग गरेर मतदातालाई प्रभावमा पारेको, आर्थिक प्रलोभन दिएको आरोप लगाएको छ ।

कमेन्ट गर्नुहोस्