आँप उत्पादन घट्यो, बढ्याे मूल्य

सिरहा, असार १८ । आँपको राजधानी मानिने सिरहामा यसवर्ष आँपको उत्पादनमा कमी आएको छ । यस वर्ष अघिल्ला वर्षहरुको तुलनामा कम फलेको र त्यसमाथि पनि रोगकिराले समेत असर पारेकाले यसवर्ष आँप उत्पादन घटेको जिल्ला कृषि विकास कार्यालयले जनाएको छ ।

यसवर्ष पाँच हजार १७० हेक्टर क्षेत्रफलमा प्रतिहेक्टर ८ दशमलव ४ प्रतिशतका दरले ४३ हजार ४२८ सय मेट्रिक टन आँप उत्पादन भएको सो कार्यालयका बागबानी अधिकृत विन्देश्वर यादवले बताए । गतवर्ष चार हजार ९५० हजार हेक्टर क्षेत्रफलमा प्रतिहेक्टर ८ दशमलव ५ प्रतिशतका दरले ४२ हजार ७५ मेट्रिक टन आँप उत्पादन भएको थियो ।

यो वर्ष आँप राम्रो फल्ने वर्ष नभएको र आँपमा मजुरा लागेदेखि नै हावाहुरी, असिना पानी र मधुवा किराले क्षति पु¥याएपछि आँपखेतीको क्षेत्रफल बढेपनि उत्पादन घटेको बागबानी अधिकृत यादवले बताए । आँपको उत्पादन घटेसँगै सिरहामा आँपको मूल्य ह्वातै बढेको छ ।

यसवर्ष लहानसहितका बजारमा मालदह आँप प्रतिकिलो रु १००, बमई आँप प्रतिकिलो रु १२०, सरही आँप रु ६०, अन्य आँप प्रतिकिलो रु ५० मा बिक्री हुँदै आएको छ । जवकी गतवर्ष सिरहामा प्रतिकिलो मालदह रु ५०, बमई रु ४० र अन्य आँप रु ३० का दरले बिक्री भएको थियो ।

लहानकोे आँप काठमाडौं, विराटनगर, पोखरासहित मुलुकको विभिन्न सहरका साथै भारतलगायतका अन्य छिमेकीमूलुकमा निर्यात हुँदै आएको छन् ।

कमेन्ट गर्नुहोस्