७ नम्बरका लागि बजेट वृद्धि गरिनेछ : प्रधानमन्त्री

धनगढी, असार १९ । प्रधानमन्त्री शेरबहादुर देउवाले ७ नम्बर प्रदेशको विकासका लागि आवश्यक बजेट वृद्धि गरिने बताएका छन् ।

धनगढीमा आयोजित कार्यक्रममा बोल्दै प्रधानमन्त्री देउवाले विकासका लागि आवश्यक बाटो, बिजुली, सिँचाइलगायतका पूर्वाधार पर्याप्त रुपमा जुटाउन ७ नम्बर प्रदेशमा बजेट वृद्धि गरिने बताएका हुन् ।

विकासका पूर्वाधारहरु निर्माण गर्न सके विकास र समृद्धि हासिल हुने बताए । किसानले उत्पादन गरेको कृषि उपज सहज रुपमा बजारसम्म पु¥याउन सडक निर्माणलाई प्राथमिकता दिइने उनको भनाई छ ।

पश्चिमसेती, पञ्चेश्वरजस्ता बृहत्तर विकास परियोजनालाई अगाडि बढाउन सरकारले आवश्यक गृहकार्य गरिरहेको प्रधानमन्त्री देउवाले जानकारी दिए ।

कमेन्ट गर्नुहोस्