बेलौरीको मतगणना अन्तिम चरणमा, उच्च सुरक्षा सतर्कता

बेलौरी, असार २१ । ७ नम्बर प्रदेशको कञ्चनपुरको बहुचर्चित बेलौरी नगरपालिकाको मतगणना अन्तिम चरणमा पुग्दा सुरक्षा सतर्कता उच्च बनाइएको छ ।

वडा नम्बर ९ को मतगणना गर्दासम्म माओदी केन्द्र र एमालेबीच कडा प्रतिस्पर्धा भएको छ । माओवादी केन्द्र ४६ मतले मात्र अगाडि रहेपछि भरतपुरको वडा नम्बर १९ मा जस्तै मतपत्र च्यात्ने लगायत घटना दोहोरिन सक्ने सम्भावना बढेपछि अहिले यहाँको सुरक्षा व्यवस्था कडा पारिएको छ ।

प्रहरीको उच्च स्रोतबाट प्राप्त जानकारी अनुसार सम्भावित दुर्घटनालाई ध्यानदिदैं सुरक्षाको व्यवस्था मिलाउन नेपाल प्रहरीका एसपी आफैं मतगणना स्थलमा पुगेर निर्देशन दिएका थिए ।

वडा नम्बर १० को ६०० मत गणना गर्दासम्मको मतपरिणाम अनुसार माओवादी केन्द्रका उम्मेदवार करिब एकसय मतले अगाडि छन । माओवादीका मेयरका उम्मेदवारले ५७०७ मत ल्याएर  अगाडि छन भने उनलाई एमालेका उम्मेदवारले ५६१२ मत ल्याएर पछ्याईरहेका छन् ।

सबै वडामा माओवादीको अग्रता रहेको छ ।

कमेन्ट गर्नुहोस्