जनप्रतिनिधीसँग वाँदर हेर्ने कर्मचारीको माग

प्रेम सुनार

गुल्मी, असार २२ । गुल्मीका विभिन्न स्थानमा बाँदरबाट आतंकित भएका कृषकहरुले उमेदावारहरु भोट माग्न जाँदा वाँदर नियन्त्रणको माग गरेको विजयी उमेदवारले बताएका छन् ।

‘अरु बरु पर्दैन्थ्यो, रातदिन खेतीवाली खाएर हैरान पारेका बाँदर लखेट्ने कर्मचारीको व्यवस्था मिलाई दिए धन्य हुने भनेर जनताले भोट माग्न जाने बेलामा माग गरेको रेसुङ्गा नगरपालिका वडा नम्वर ७ का नवनिर्वाचित वडाध्यक्ष मोहन पाण्डेले बताए । उनले भने, ‘यस वडाका जनता बाँदरबाट निकै आतंकित बनेका रहेछन् । ’ त्यस्तै रुरु गाउँपालिका अन्तरगत साविकको थानापति, ग्वादी, रेसुङ्गा नगरपालिकाको अर्खले लगायतका जनताले पनि वाँदरले हैरान पारेको दुखेसो भोट माग्न जाने उमेदवारहरुसंग गरेको विजयी उमेदवारले बताएका छन् ।

मुसिकोट नगरपालिकाका नव निर्वाचित मेयर सोमनाथ सापकोटाले यस्तै यस्तै झिनामसिना विषयहरु नै जनताले भोट माग्न जाने बेलामा माग गरेको बताए । उनले भने–‘मैले त जनताले ठूला ठूला विषय उठाउलान भनेको थिएँ, तर निकै झिना मसिमान कुरा जस्तै वाँदर आतंकबाट मुक्ति, कुला, नाला, दुई चार मिटर पाईप जस्ता विषय माग गरेका पाएँ ।’ उनले जनताले पहिला आधारभुत कुराहरुनै माग गरेकोले त्यो छिट्टै पुरा गर्न सकिने दावी गरे । उनले मुसिकोट नगरपालिकामा पहिलो काम प्रत्येक घरमा विद्युत सुविधा पुराउन पहल गरिने बताए ।

कमेन्ट गर्नुहोस्