३२७ तहको नतिजा सार्वजनिक, माओवादी केन्द्र तेस्रो स्थानमा

काठमाडौं, असार २३ । दोस्रो चरणको स्थानीय तह अन्तर्गत निर्वाचन भएका ३५ जिल्लाका ३३४ स्थानीय तहमध्ये ३२७ स्थानीय तहको मतपरिणाम सार्वजनिक भएको छ ।

अहिलेसम्म घोषित परिणाम अनुसार नेकपा एमालेले १४८ स्थानीय तहमा प्रमुख र अध्यक्ष जितेर शीर्षस्थानमा रहेको छ । नेपाली कांग्रेसले ११८ स्थानीय तहमा जित हासिल गर्दै दोस्रो स्थानमा रहेको छ ।

त्यस्तै नेकपा माओवादी केन्द्र ३८ स्थानीय तहमा विजयी भएर तेस्रो स्थानमा रहन सफल भएको छ ।  संघीय समाजवादी फोरमले ८ स्थानीय तहमा जित हात पारेको छ भने नेपाल लोकतान्त्रिक फोरम ६ स्थानमा विजयी भएको छ ।

त्यसैगरी, राष्ट्रिय प्रजातन्त्र पार्टी ४, राष्ट्रिय जनमोर्चा २ र तीनजना स्वतन्त्र उम्मेदवार स्थानीय तहको प्रमुखरअध्यक्षमा विजयी भएका छन् ।

कमेन्ट गर्नुहोस्