कस्ता कुरा भए परराष्ट्रमन्त्री महरा र जापानका उपविदेशमन्त्रीबीच ?

काठमाडौँ, २७ असार । उपप्रधान तथा परराष्ट्रमन्त्री कृष्णबहादुर महरासँग जापानका संसदीय उपविदेशमन्त्री कियोशी ओडावारा परराष्ट्र मन्त्रालयमा आज भएको भेटवार्तामा उनीहरुबीच नेपाल–जापानबीचको द्विपक्षीय सम्बन्ध, आपसी हित र सहयोगका विविध विषयमा छलफल भयो ।

उक्त अवसरमा परराष्ट्रमन्त्री महराले भने, “जापान हाम्रो असल, भरपर्दो र विश्वाशिलो मित्र राष्ट्र हो ।” जापानले नेपालको आर्थिक–सामाजिक क्षेत्रमा महत्वपूर्ण सहयोग गरेको उल्लेख गर्दै परराष्ट्रमन्त्री महराले नौबिसेदेखि नागढुङ्गासम्म जापानको सहयोगमा बन्न लागेको सुरुङ मार्ग र पोखरामा खानेपानी परियोजनामा पु¥याएको सहयोगप्रति धन्यवाद व्यक्त गरे । उनले भूकम्पपछिको पुनःनिर्माण तथा जापानले सार्क विकास कोषमा सहयोग गरेको प्रति आभार व्यक्त गरे ।

याे पनि पढ्नुस  झापाका डाँगीको जापानमा मृत्यु

जवाफमा मन्त्री ओडावाराले नेपालमा लगानी गर्न चाहने जापानीका लागि अन्तर्राष्ट्रियस्तरको लगानीको वातावरण सिर्जना गर्न आग्रह गरे। उनले सन् २०२० मा जापानमा हुने ओलम्पिक प्रतियोगितामा नेपाल र जापानका बीचमा सहकार्य गरेर अगाडि बढ्ने बताए ।

कमेन्ट गर्नुहोस्