उपचार गर्न आएकी महिलामाथि गोलीप्रहार

विराटनगर, असार २९ । विराटनगरमा उपचारका लागि आएकी एक महिलामाथि गोलीप्रहार भएको छ । मुनाल पथमा आज बिहान अज्ञात व्यक्तिले उदयपुर बेलटार घर भएकी ४७ वर्षीया टिनादेवी विष्टमाथि गोली चलाएको हो । अज्ञात समूहको गोली प्रहारबाट ती महिला घाइते भएकी छिन् ।

मोटरसाइकलमा आएका दुई व्यक्तिले गोली प्रहार गरेको र उनको साथवाट नगद ११ हजार समेत लुटेर लगेको घाइते विष्टले बताइन् ।

घाइते विष्टको विराटनगरस्थित विराटन नर्सिङ होममा उपचार भई रहेको छ । विष्टको घुडामुनि समान्य चोट देखिएको छ ।

घटनाको बारेमा थप अनुसन्धान भई रहेको र अपराधीहरुको खोजी कार्य भई रहेको प्रहरीले जनाएको छ ।

कमेन्ट गर्नुहोस्