रामेछापमा बाढी: पुल र घर बगाउँदा २ जनाको मृत्यु, ३ बेपत्ता

रामेछाप, साउन १ । रामेछापको लिखु गाउँपालिका वडा नम्बर ७ खिम्ती नदीमा शनिबार राति आएको बाढीले बगाएर दुई जनाको मृत्यु भएको छ । भने अन्य तीन जना वेपत्ता भएका छन् । बाढीमा परी छ जना घाइते भएको प्रहरीले जनाएको छ ।

बाढीमा परी ७५ वर्षीया बालकुमारी खत्रीको मृत्यु भएको छ । घाइतेहरुको उद्धार कार्य भइरहेको जनाइएको छ । बाढीले खिम्तीबाट फर्पुतर्फ जाने सडकमा पर्ने छत्तिवने खोलाको पुल र दुईवटा घर बगेको प्रहरीले जनाएको छ । बगाएको घरमा कति जना थिए त्यसबारे एकिन जानकारी छैन ।

शनिबार दिउँसो देखि खिम्ती क्षेत्रमा लगातार वर्षा भइरहेका छ । बाढीग्रस्त क्षेत्रमा उद्धारका लागि घतना लगत्तै पुग्ने प्रयास गरे पनि अहिलेसम्म सम्भव भएको छैन । प्रहरी नायव उपरीक्षक कुमोध ढुंगेलसहितको टोली खिम्तीतर्फ गएको छ ।

प्रमुख जिल्ला अधिकारी सूर्यबहादुर खत्रीले जिल्ला सदरमुकामबाट तीनै सुरक्षा निकाय उद्धार कार्यका लागि परिचालन गरिएको बताएका छन् ।

कमेन्ट गर्नुहोस्