महाकाली राजमार्ग अवरुद्ध

बैतडी, ७ साउन । गए राति परेको वर्षाले सडक माथिबाट पहिरो खस्दा महाकाली राजमार्ग अवरुद्ध भएको छ ।

सतबाँझदेखि–गोकुलेश्वर सडकखण्डअन्तर्गत पर्ने डिलाशैनी–६ बांगाबगरमा आज बिहान ५ बजे पहिरो जाँदा यातायात अवरुद्ध बनेको स्थानीय बासिन्दा सुरेश श्रेष्ठले जानकारी दिनुभयो ।

बांगाबगरमा माथिबाट आएको पहिराका कारण सडक अवरुद्ध हँुदा यातायात पूर्ण रुपमा बन्द भएको जिल्ला प्रहरी कार्यालय बैतडीका प्रहरी नायब उपरीक्षक हेरम्ब शर्माले बताउनुभयो । अवरुद्ध सडक खुलाउन डोजर लगाइएको र अपराह्नसम्म सडक पुनः सञ्चालनमा आउने प्रहरीले जनाएको छ ।

कमेन्ट गर्नुहोस्