Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

एक वर्षीय छोरा बेचेर फोन र रक्सी किन्ने बाबु

आफ्नो सन्तान सबैलाई कति प्रिय हुन्छ । तर, छिमेकी मुलुक भारतको ओडिसास्थित भद्रक सहरका एक व्यक्तिले भने आफ्नै छोरालाई बेचेर फोन किनेका छन् । पाण्डिया मुखी नाम गरेका ती व्यक्तिले आफ्ना एकवर्षका छोरालाई २५ हजार भारुमा बेचेको खुलेको छ ।

निःसन्तान दम्पतिलाई ती छोरा बेचेपछि प्राप्त रकमबाट उनले मोबाइल फोन, गहना, कपडा खरीद गरे भने बाँकी रकम रक्सीमा खर्च गरे ।

घटना सार्वजनिक भएपछि प्रहरीले अभियुक्त बाबु र अर्का एक छिमेकीलाई समेत पक्राउ गरेको छ । प्रहरीले विक्री गरिएको बच्चाको सकुशल उद्दार गरी बच्चाको आमालाई जिम्मा लगाएको छ । बच्चा बेच्ने र बेच्नमा सघाउने छिमेकीलाई अदालतको आदेशले जेल चलानको फैसला सुनाएको छ ।

बच्चा खरिद गर्ने सोमनाथ सेठी दम्पतीले एक दलाललाई बच्चा खरिदका लागि ४५ हजार भारु दिएका थिए । दलालले मुखीलाई २५ हजार दिएको थियो । सेठी दम्पतीको आफ्नो सन्तान केही वर्षपहिला दुर्घटनामा आफ्नो सन्तान गुमाएका थिए ।

कमेन्ट गर्नुहोस्

%d bloggers like this: