बसको अभाव भएपछि रुट परमिट खुला

पश्चिमाञ्चल, सुदूरपश्चिमाञ्चल र पूर्वाञ्चलका इलामलगायतका ठाउँमा यात्रुबाहक बसको अभाव भएपछि यातायात व्यवस्था विभागले सडक इजाजतपत्र (रुट परमिट) खुला गरेको छ ।

विभागका अनुसार असोज ११ देखि १९ गतेसम्म इजाजतपत्र खुला गरिएको हो । यससँगै उल्लेखित ठाउँमा रुट परमिट नभएका बसहरू पनि यात्रु लिएर जान–आउन पाउनेछन् । ‘यस्तो

रुट परमिट सार्वजनिक यात्रुबाहक सवारीसाधनका लागि मात्र उपलब्ध हुनेछ,’ विभागका प्रवक्ता डा. टोकराज पाण्डेले भने । विभागका अनुसार दसैँमा काठमाडौं उपत्यकाबाट बाहिर जाने र आउने यात्रुको यात्रालाई सरल र सहज बनाउन रुट परमिट खुला गरिएको हो । अघिल्ला वर्षहरूमा पनि दसैँमा रुट परमिट खुला गर्ने गरिएको थियो ।

याे पनि पढ्नुस  गृहमन्त्री शर्मा भन्छन– दशैंमा मन्त्रालयकै काममा व्यस्त हुनेछु

बिपी राजमार्गमा भने यथावत्
अन्य राजमार्गमा इजाजतपत्र खुला गरे पनि बिपी राजमार्ग (बनेपा–धुलिखेल–सिन्धुली–बर्दिबास) सडकमा भने रुट परमिट खुला गरिएको छैन । उक्त रुटबाट ठूला सवारीसाधन गुडाउन नपाइने भएकाले परमिट नभएका सवारीसाधन गुड्न पाउने छैनन् ।

यात्रु सहजै घर पुगुन् भनेर रुट परमिट खुला

वीरबहादुर बलायर, मन्त्री,
भौतिक पूर्वाधार तथा यातायात

यो वर्ष यातायात व्यवसायीले यात्रुबाहक बस थप नगरेपछि देशका केही क्षेत्रमा मौजुदा साधनले नपुग्ने देखियो । विशेषगरी आज (मंगलबार) देखि यस्तो समस्या देखिएपछि विभागलाई रुट परमिट खुला गर्न निर्देशन दिएको हुँ ।

याे पनि पढ्नुस  यसवर्ष दशैंको टिकाको शुभसाइत ११.५५ मिनेटमा

यसको साथै घर जान चाहनेहरूको गुनासोलाई मध्यनजर गरी यो निर्णय गरिएको हो । निर्णय नेपाल यातायात व्यवसायी राष्ट्रिय महासंघसँगको सहमति र समन्वयमा गरिएको छ । व्यवसायीले अभाव भएका धनगढी, इलामलगायतका ठाउँका लागि दैनिक थप तीन सय सवारीसाधन उपलब्ध गराउन सकिने जानकारी गराएका छन् ।

फुलपातीको दिन सबैभन्दा ठूलो भिड

मंलगबार सा“झसम्ममा काठमाडौं उपत्यकाबाट दसैँ, तिहार तथा छठलगायतका चाड मनाउन १५ लाख मानिस बाहिरिएका छन् । बुधबार (फुलपाती) को दिन बाहिरिने संख्या सबैभन्दा बढी हुने यातायात व्यवसायीले बताएका छन् ।

याे पनि पढ्नुस  दसैंका लागि अग्रिम टिकट बुकिङ नखुल्ने

‘फुलपातीको दिन २ लाखभन्दा बढी बाहिरिने तयारी छ,’ नेपाल यातायात व्यवसायी राष्ट्रिय महासंघका महासचिव सरोज सिटौलाले भने । त्यो भिडलाई व्यवस्थापन गरेर यात्रुलाई घरसम्म पु¥याउनु ठूलो चुनौती भए पनि सफल बनाएरै छाड्ने महासंघको भनाइ छ ।

ग्रामीण क्षेत्रतर्फ गएका सवारीसाधन भने सडकको दुरावस्थाको कारण समयमा फर्कन नसक्दा ढिला भइरहेको यातायात व्यवसायीको गुनासो छ । राजमार्गमा भने तुलनात्मक रूपमा यात्रा सहज रहेको छ ।

नयाँ पत्रिकाबाट

कमेन्ट गर्नुहोस्