कलैयामा कांग्रेससँग हार्यो एमाले, उपप्रमुख पनि कांग्रेसकै पोल्टामा

बाराको कलैया उपमहानगरपालिकामा कांग्रेस विजयी भएको छ। एमाले उम्मेदवारलाई १८७ मतले पराजित गर्दै कांग्रेसका राजेश राय यादव उपमहानगर प्रमुखमा निर्वाचित भए।

यादवले १० हजार ९०३ मत पाउँदा एमालेका विनोदप्रसाद साहले १० हजार ७१६ मत प्राप्त गरे।

उपप्रमुखमा पनि कांग्रेसकै रहिमा खातुन विजयी भइन्। उनले १० हजार ५३७ मत पाउँदा एमालेकी प्रतिमाकुमारी यादवले १० हजार ३७२ मत पाइन्। यससँगै कांग्रेसले मधेसमा जितेको स्थानीय तहको संख्या ४० पुगेको छ।

याे पनि पढ्नुस  कलैया अपडेट- पुन: मतदानको माग गर्दै एमालेद्वारा मतगणना बहिस्कार

१३६ मध्ये १३४ स्थानीय तहको नतिजा सार्वजनिक भइसक्दा कांग्रेसले ४०, संघीय समाजवादी फोरम नेपालले २५, राजपाले २४, माओवादी केन्द्रले २१ र एमालेले १८ स्थानमा जित हात पारेका छन्।

नेपाल लोकतान्त्रिक फोरमले ३, नेपाल संघीय समाजवादी पार्टीले २ तथा नयाँ शक्ति नेपालले १ स्थानमा जितेका छन्।

याे पनि पढ्नुस  कुखुराको खोरमा आगलागी

अन्तिम परिणाम सर्वजनिक हुन बाँकी वीरगञ्ज महानगरपालिकामा संघीय समाजवादी फोरम र राजविराज नगरपालिकामा राजपाको अग्रता छ।

कमेन्ट गर्नुहोस्