यी हुन ‘कौन बनेगा करोडपति’ मा एक करोड जित्ने पहिलो महिला

एजेन्सी, असोज १५ ।  झारखण्ड, पेशाले सामाजिक कार्यमा सक्रिय, सामान्य परिवारमा जन्मेकी अनामिका । तर अहिले उनको चर्चा चौतर्फी छ ।

उनले चर्चामा आउने काम पनि गरेकी छिन् । बलिउडका बिख्यात कलाकार अमिताभ बच्चनले सञ्चालन गर्ने भारतीय टेलिभिजन शो “कौन बनेगा करोडपति” मा एक करोड जितेपछि उनको चर्चा चुलिएको हो ।

केबिसीको इतिहासमा पहिलो महिला र यो सिजनमा पहिलो करोडपतिका रुपमा अनामिकाका बारेमा भारतीय मिडियाहरुले चर्चा गरेका छन् ।

याे पनि पढ्नुस  गरीब किसानका छोरा सनोज बने यो सिजनको पहिलो करोडपति

अनामिकाले एक करोड जितेको शो भोली सोमबार प्रसारण हुने बताइन्छ ।

“मेरा लागि बिग बी ९अमिताभ बच्चन०का अगाडि बस्नु नै सौभाग्यको कुरा थियो” अनामिकाको भनाई उद्दृत गर्दै दैनिक भास्करले लेखेको छ, “म निकै नर्भस थिएँ तर पनि हिम्मत नहारी खेलेँ”
एक करोड जितेपछि अमिताभले उनलाई दिएको सल्लाह निकै महत्वपूर्ण रहेको उनको भनाई छ । शो मा एक करोड जितेपछि अमिताभले उनलाई पैसाको सही सदुपयोग गर्न सल्लाह दिएका थिए । पैसालाई त्यत्तिकै कुनै बस्तु खरीदमा उपयोग गर्नुभन्दा लगानी गर्ने र त्यसबाट प्राप्त हुने रकमबाट सामाजिक कार्य गर्न संस्थालाई समेत पैसा प्राप्त हुने सल्लाह अमिताभले उनलाई दिएका थिए ।

याे पनि पढ्नुस  करोडपति चलाएर अर्बपति बन्दै अमिताभ, यस्तो छ उनको कमाई

फेस इन इण्डिया नाम एनजीओ चलाउने अनामिका मजूमदारको जन्म जमशेदपुरमा भएको हो । वर्ष २००२ मा सत्यप्रिय मजूमदारसँग उनको विवाह भयो । उनका दुई छोरा छन् ।

कौन बनेगा करोडपति भारत र भारतबाहिर पनि चर्चित शोका रुपमा लिइन्छ । यो शो मा सोधिएका प्रश्नहरुको सही उत्तर दिन सकिएमा ५ करोडसम्म जित्न सकिन्छ । अमिताभ बच्चनले होष्ट गर्दै आएको शो मा सहभागी हुन भने त्यति सहज छैन । शुरुमा एक हजारको प्रश्नबाट शुरु हुँदै धनराशी बढ्दै जाने गर्छ ।

याे पनि पढ्नुस  केबिसीमा गौतमले जिते १ करोड, ७ करोडको प्रश्नमा के गर्लान् ?

कमेन्ट गर्नुहोस्