Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

दुई तिहाईको सपना जनताको समृद्धि र सुःखका लागि हो : रावल

अछामका ६ निर्वाचन क्षेत्रमा २३ जनाको उम्मेद्धारी

होम साउद
अछाम, कात्तिक १६ । नेकपा एमालेका उपाध्यक्ष भीम रावलले बाम गठबन्धन र एमाले माओवादीको पार्टी एकताको प्रयासले बामपन्थी मात्रै नभएर नेपाली जनता नै खुसी भएको बताएका छन ।

प्रतिनिधि सभाका लागि अछाम क्षेत्र नम्वर १ बाट मनोनयन दर्ता गराएपछि बाम गठबन्धनको संयुक्त आमसभालाई संवोधन गर्दै रावलले एमाले र माओवादी अब देश र जनताको समृद्धि र सुखका दिन ल्याँउन एक भएर आएको बताए ।

बाम गठबन्धन चुनावी तालमेलका लागि मात्रै नभएर एकिकृत पार्टी बनाउने लक्ष्य सहित निर्माण भएको भन्दै एमाले उपाध्यक्ष रावलले पसिना बगाएर मेहनत गरिखाने जनताका लागि बहुमतको सरकार दिएर १० वर्षमा देशको समृद्धि, दीगो शान्ति र राजनीतिक स्थायित्व दिनका लागि गठबन्धन भएको उल्लेख गरे ।

पूर्व उपप्रधानमन्त्री समेत रहेका नेता रावललले एमाले र माओवादीले दुई तिहाईको सपना जनताको समृद्धि र सुखका लागि भएको समेत बताए । देशमा समृद्धि र समाजवाद ल्याँउनका लागि एमाले र माओवादी दुबै पार्टीले अभुतपूर्व त्याग र बलिदानी गरि यो बाम गठबन्धन गरेको बताउदै उनले यस कार्यले नेपाली काँग्रेसको निद हराम भएको बताए ।

जिल्लाको विकास र समृद्धिसंगै देशमा समाजवाद ल्याँउन नेपालका कम्यूनिष्ट एक भएको भन्दै रावलले यस्तो अछामी देउडा गीत समेत मञ्चमै सुनाए ।

‘अगास चम्किओस सुर्य आँसी घन धर्तिमा ।
सुखका दिन ल्याँउनै पर्छ यो हाम्रो देशमा ।।’

रावलले मनोनयन दर्ता पछिको औपचारीक कार्यक्रमकै अवसरमा पार्टी एकता र चुनावी तालमेलको भाव समेटीएको पार्टी एकता केन्द्रिय संयोजन समितिको बिशेष सर्कुलर समेत बाचन गरेका थिए ।

उक्त आमसभालाई एमाले उपाध्यक्ष रावल सहित माओवादी केन्द्रका पोलिटब्यूरो सदस्य तारामान स्वार, अछाम क्षेत्रनम्वर २ का लागि बाम गठबन्धनका उम्मेद्धार यज्ञ बोगटी, माओवादी नेता तथा प्रदेश सभा उम्मेद्धार अक्कल रावल, झपट बोहरा, एमाले नेता तथा प्रदेश सभा उम्मेद्धार हर्क बहादुर कुवर, बल बहादुर सोडारी, माओवादी नेतृ सरस्वती रावलले समेत सम्बोधन गरेका थिए । एमाले जिल्ला अध्यक्ष शेर बहादुर कुवरले अध्यक्षता गरेको आमसभाको सञ्चालन माओवादीका जिल्ला संयोजक झपट साउदले गरेका थिए ।

२३ जनाको उम्मेद्धारी दर्ता
यसैविच, अछाम जिल्लामा २ वटा प्रतिनिधि सभाका लागि र ६ वटा प्रदेश सभाका लागि बाम गठबन्धन तथा लोकतान्त्रिक गठबन्धन सहित अन्य साना दलहरुले गरी कुल २३ जनाले मनोनयन दर्ता गराएका छन । ७ जना प्रतिनिधि सभाका लागि र १६ जनाले प्रदेश सभाका लागि मनोनयन दर्ता गराएको जिल्ला निर्वाचन कार्यालय अछामका कम्प्यूटर अपरेटर एकेन्द्र बोगटीले जानकारी दिए ।

मनोनयन दर्ता गराएकामा प्रतिनिधी सभातर्फ क्षेत्रनम्वर १ मा बाम गठबन्धनवाट एमालेका भीम रावल, काँग्रेसवाट भरत कुमार स्वार र क्रान्तिकारी माओवादीको देशभक्त जनगणतान्त्रिक मोर्चावाट शिव सुन्दर शाहीले उम्मेद्धारी दर्ता गराएका छन भने क्षेत्रनम्वर २ मा बाम गठबन्धनवाट एमालेका यज्ञ बोगटी, काँग्रेसवाट पुष्प बहादुर शाह, नेमकिपा क ाझंकर शाही र नयाँ शक्तिका तिर्थराज ढकालले मनोनयन दर्ता गराएको मुख्य निर्वाचन अधिकृतको कार्यालयले जनाएको छ ।

यस्तै प्रदेश सभातर्फ क्षेत्रनम्वर १ को १ मा बाम गठबन्धनवाट एमालेका गोबिन्द कुवर, काँग्रेसवाट मेघराज खड्का, राप्रपा प्रजातान्त्रिक वाट भक्त बहादुर कुवरले मनोनयन दर्ता गराएका छन भने १ को २ नम्वर प्रदेश निर्वाचन क्षेत्रमा बाम गठबन्धन बाट माओवादी केन्द्रका झपट बोहरा, नेपाली काँग्रेसका टेक बहादुर साउद, राप्रपा प्रजातान्त्रिकका जनक कुमार शाह र क्रान्तिकारी माओवादीको देशभक्त जनगणतान्त्रिक मोर्चावाट कृष्ण ्बहादुर खत्रीले मनोनयन दर्ता गराएका छन ।

यसैगरी प्रदेश सभातर्फ क्षेत्रनम्वर २ को १ का लागि बाम गठबन्धनको तर्फवाट माओवादी केन्द्रका अक्कल रावल, नेपाली काँग्रेसका सुरत बहादुर बिष्ट, राप्रपा प्रजातान्त्रिकका राम बहादुर चलाउने क्षत्री, नेमकिपा का पदम बहादुर बुढा, नेकपा मालेका दिल बहादुर बिष्ट र स्वतन्त्र कर्ण बहादुर बुढाले मनोनयन दर्ता गराएका छन ।

कमेन्ट गर्नुहोस्

%d bloggers like this: