जनप्रेमी र विकासप्रेमी पार्टी मात्रै अस्तित्वमा : शर्मा

रुकुम, कात्तिक १९ । नेकपा माओवादी केन्द्रका प्रभावशाली नेता जनार्दन शर्माले अब देशमा जनप्रेमी र विकासप्रेमी पार्टी मात्रै अस्तित्व रहने दावी गरेका छन । दस महिनाभन्दा धेरै सरकार नटिक्ने भएकाले जनता पनि अलमलमा परेको उनले बताए ।

बिनाविभागीय मन्त्रीसमेत रहेका शर्माले वामहरु मिलेर आसन्न प्रतिनिधि तथा प्रदेशसभा सदस्यको निर्वाचनमा दिइएको उम्मेदवारी गठबन्धन मात्र नभएर पार्टी एकताको प्रक्रिया रहेको बताएका छन् ।

जिल्ला सदरमुकाम खलंगामा आइतबार प्रेस चौतारी र प्रेस सेन्टरले गरेको पत्रकार सम्मेलनमा बोल्दै मन्त्री शर्माले समय अभावका कारण मात्रै एमाले माओवादीले आ–आफ्नै उम्मेदवारी दिनु परेको बताएका हुन् ।

याे पनि पढ्नुस  रूकुममा माओवादी केन्द्रको क्लीनस्वीप

‘हामी पार्टी एकता गरेरै निर्वाचनमा जाने तयारीमा थियौं,’ शर्माले भने, ‘केही प्राविधिक कुरा नमिल्नु तथा समयाभाव अर्को समस्या रह्यो ।’तत्कालै पार्टी एकता सम्भव नभएपछि ६०/४० सिट बाँडफाँडका आधारमा निर्वाचनमा जाने र निर्वाचनलगत्तै पार्टी एकताको तयारी भइरहेको उनको भनाइ छ ।

देश र राष्ट्रिय हितको साथै समयको मागबमोजिम नै कम्युनिस्ट एकताको प्रक्रिया सुरु भएको तर्क शर्माले गरे । कम्युनिस्ट एकताको सन्देश निर्वाचनलगत्तै एमाले र माओवादी एक भएर दिने उनले बताएका छन् । राजनीति स्थिर नहुँदा देश स्थिर भइरहने अवस्था नरहेकाले विकास निर्माण संभव नदेखिएपछि एकता प्रक्रिया थालिएको उनले बताए । ‘जब राजनीति नै स्थिर नभए आर्थिक समृद्धि देशको विकास सम्भव नै देखिएन, त्यसैले पनि ठूलो रिस्क मोलेर पार्टी एकताको प्रक्रिया थालिएको हो,’ उनले भने ।

याे पनि पढ्नुस  बम टिपेर फाल्ने साहसिक हवल्दारलाई गृहमन्त्रीले फोन गरे, पुरस्कृत गर्ने घोषणा

अब बन्ने सरकार ५ वर्षसम्म रहने भन्दै उनले त्यसपछि जनताले दल तथा उम्मेदवारी छान्ने अवसर पनि पाउने उनको भनाइ छ । दस महिनाभन्दा धेरै सरकार नटिक्ने भएकाले जनता पनि अलमलमा परेकाले अब जनप्रेमी र विकासप्रेमी पार्टी अस्तित्व मात्रै रहने उनले बताए ।

याे पनि पढ्नुस  तेब्बर मतले जनार्दन शर्मा अगाडि

देशले स्थायी सरकारको महसुस गरेको र वाम तथा लोकतान्त्रिक ध्रुविकरण सुरु भएकाले अब देशमा विकास र आर्थिक समृद्धिले पनि फड्को मार्न धेरै समय नलाउने शर्माको जिकिर छ ।

कमेन्ट गर्नुहोस्