भारतमा फेरि दुई वटा गैँडा भेट्टियो, अवस्था बुझ्न निकुञ्जको टोली भारतमा

चितवन, कात्तिक २० । भारतको वाल्मीकि टाइगर रिजर्ब नजिकै नेपाल–भारत सीमा क्षेत्रबाट झण्डै २५ किलोमिटर पर भारतीय भूमिमा दुईवटा गैँडा भेटिएको छ ।

रिजर्बबाट गैँडा रहेको जानकारी दिँदै उद्धार गर्न आग्रह गरेपछि चितवन निकुञ्जको टोली गैँडाको अवस्था बुझ्न अहिले भारत पुगेको छ ।

याे पनि पढ्नुस  महिलामाथि हुने अपराधका घटना सार्वजनिक हुने क्रम बढ्यो

दुर्लभ एकसिंगे गैँडालाई गएको साउनमा आएको बाढीले चितवन राष्ट्रिय निकुञ्जबाट बगाएर भारत पुर्याएको अनुमान गरिएको भारत पुगेका निकुञ्जका वरिष्ठ पशु चिकित्सक डा. कमल गैरेले जानकारी दिए ।

“नेपाल–भारत सीमा क्षेत्रबाट झण्डै २५ किमी भारततर्फ दुई वटा बयस्क गैँडा देखिएका छन्, दुई-चार दिनमा उद्धार गर्नुपर्ने देखिएको छ”– डा गैरेले भने । भारतको वाल्मीकि टाइगर रिजर्बले गैँडा लैजान अनुरोध गरेपछि अवस्था बुझ्न भारत पुगेको उनले बताए ।

याे पनि पढ्नुस  प्राकृतिक कारणले ७ गैँडा मरे

गैँडाको उद्धारका लागि हात्ती पठाइसकिएको र आवश्य सामग्री पनि लैजानेक्रम शुरु भएको चितवन राष्ट्रिय निकुञ्जका प्रमुख संरक्षण अधिकृत रामचन्द्र कँडेलले जानकारी दिए ।

यसअघि बाढीले बगाएका आठ गैँडालाई भारतबाट उद्धार गरिसकिएको छ । गएको साउन २८ गते आएको बाढीका कारण ती गैँडा बगाएका थिए । दुईवटा गैँडा भने बाढीका कारण मरेको थियो । बाढीले चितवन निकुञ्जको वन्यजन्तु वासस्थान नै तहसनहस बनाएको थियो ।

याे पनि पढ्नुस  भरतपुरमा बन्ने नै भयो अत्याधुनिक सिटीहल, महानगर प्रमुख रेणु दाहालको पहलले पायो सार्थकता

कमेन्ट गर्नुहोस्