कञ्चनपुरको समग्र विकास मेरो परिकल्पना : बिना

'एउटै मालामा वाम उम्मेदवार'

बेलौरी, कात्तिक २०। पार्टी एकताको जग निर्माण तथा चुनावी तालमेलको सफलताको सन्देश प्रवाह गराउन कञ्चनपुरको १ नम्बर निर्वाचन क्षेत्रका नेकपा एमाले र माओवादी केन्द्रका उम्मेदवारलाई एउटै माला पहि¥याइएको छ ।

एकताको सन्देशलाई सांकेतिक रुपमा निर्वाचन क्षेत्रका गाउँगाउँसम्म पु¥याउन एउटै माला पहि¥याइएको हो । १ नम्बर निर्वाचन क्षेत्रबाट प्रतिनिधिसभा सदस्यका उम्मेदवार विना मगर, १ (क) प्रदेशसभा सदस्य उम्मेदवार तारालामा तामाङ र १ (ख) प्रदेशसभा सदस्य उम्मेदवार कुलवीर चौधरीलाई एउटै माला पहि¥याइएको हो ।

दुबै पार्टी नेतृत्वले गरेको एकता तयारी र चुनावी तालमेलपछि पहिलो पटक भएको कञ्चनपुरको १ नम्बर निर्वाचन क्षेत्र स्तरीय संयुक्त कार्यकर्ता भेलामा उत्साह र सौहार्दता देखिएको छ ।

सोमबार बेलौरीमा वाम गठबन्धनले १ नम्बर निर्वाचन क्षेत्र स्तरीय चुनावी सभा सम्पन्न गरेको छ । कार्यक्रममा बोल्दै प्रतिनिधिसभा सदस्य उम्मेदवार विना मगरले विकासका दृष्टिले पछाडि परेको १ नम्बर निर्वाचन क्षेत्र र कञ्चनपुरको समग्र विकासका लागि सक्रिय रहने बताइन् ।

वाम गठबन्धनको पक्षमा जनलहर रहेकाले चुनावमा जित सुनिश्चित रहेको उनले बताइन् । कार्यक्रममा बोल्दै एमाले कञ्चनपुरका अध्यक्ष तथा प्रदेशसभा १ (क) का उम्मेदवार तारालामा तामाङले वाम गठबन्धनलाई विजयी गराउन संयुक्त प्रचारप्रसार अभियान सञ्चालन गर्न सुरु गरिएको बताए । कार्यक्रममा सहभागी क्षेत्र र जिल्लास्तरीय नेताले वाम गठबन्धन र पार्टी एकताको तयारीबारे स्थानीय नेता कार्यकर्तालाई प्रशिक्षण दिएका थिए ।

कमेन्ट गर्नुहोस्

%d bloggers like this: