Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

लिफ्ट मागेको मोटरसाइकलमा हतियार, माओवादी उम्मेदवार सिम्खडालाई तनाब

गोरखा, कात्तिक २१ । सामान्य चिनजानको व्यक्तिको मोटरसाइकलमा लिफ्ट मागेर गन्तब्यतर्फ जाँदै गरेकी नेकपा माओवादी केन्द्रकी नेत्री तथा प्रतिनिधि सभा समानुपातिकतर्फका उम्मेदवार सुशीला सिम्खडा प्रहरीकाे केरकारमा परेकी छन ।

प्रहरीले सामान्य साेधपुछपिछ उनलार्इ छाडेकाे छ । उनी चढेकाे मोटरसाइकलबाट प्रहरीले पेस्तोलसहित तीन थान गोलीे बरामद गरेको छ।

गोरखा आरुघाट गाउँपालिकाबाट बा७३प ३३८६ नंको मोटरसाइकलमा चढेर भीमसेन गाउँपालिकातर्फ जाँदै गर्दा धावामा मोटरसाइकल चेकिङ गर्ने क्रममा प्रहरीले मंगलबार ९–एमएम पेस्तोल र तीन थान गोली बरामद गरेको जिल्ला प्रहरी कार्यालय गोरखाका प्रहरी उपरीक्षक प्रकाश अधिकारीले बताए।

मोटरसाइकल चालक भीमसेन–४ का गुणप्रसाद खनाल फरार छन् । उनले बोकेको झोला खानतलासी गर्दा प्रहरीले सो हतियार र गोली बरामद गरेको हो । झोला छाडेर खनाल भागेको प्रहरीले जनाएको छ । मोटरसाइकल प्रहरीको नियन्त्रणमा छ।

कमेन्ट गर्नुहोस्

%d bloggers like this: