अमेरिकी राष्ट्रपतिको उत्तर कोरियालाई चेतावनी

काठमाडौं, कात्तिक २२ । अमेरिकी राष्ट्रपति डोनल्ड ट्रम्पले दक्षिण कोरियाको संसदमा बोल्दै उत्तर कोरियाका नेता किम जङ अन विरुद्ध चर्को चेतावनी दिएका छन्।

ट्रम्पले भने, ‘हामीलाई कम नआँक्नु। हामीमाथि प्रयोग नगर्नु,’उनले भाषणमा किमलाई सम्बोधन गर्दै भने, ‘तपाईँसँग भएका हतियारले तपाईँलाई सुरक्षित बनाउँदैनन्। त्यसले तपाईँको सत्तालाई ठूलो खतरा पुर्याएको छ।’

याे पनि पढ्नुस  उत्तर कोरियामाथिको प्रतिबन्ध हटाउन अमेरिकालाई चीनको आग्रह

अमेरिकी नेता एशिया भ्रमणक्रममा दक्षिण कोरियाको दुई दिने भ्रमणमा छन्।

ट्रम्पले सोलमा सांसदहरुलाई सम्बोधन गर्दै कोरियाली युद्ध यता उत्तर कोरियाको तुलनामा दक्षिण कोरियाको प्रगतिको प्रशंसा गरे।

उनले उत्तर कोरियालाई ‘इतिहासको प्रयोगशालाको दुःखदायी प्रयोग’ भने।

ट्रम्पले प्योङयाङलाई चेतावनी दिँदै भने, ‘यस अघिको अमेरिकाको व्यवहारलाई उसले कमजोरी भन्ठानेको होला अब अमेरिकामा फरक प्रशासन छ।’ उनले आणविक कार्यक्रम त्याग्न उत्तर कोरियालाई आग्रह गरे।

याे पनि पढ्नुस  ३२ चिनियाँको उत्तर कोरियामा मृत्यु

‘उत्तर कोरिया तपाईँको हजुरबाले सोचेको जस्तो स्वर्ग छैन। यो कुनै पनि व्यक्तिले भोग्नु नपर्ने नर्क छ,’ ट्रम्पले उत्तर कोरिया स्थापना गरेका किम इल सङ जो किम जङ अनका हजुरबा हुन्, लाई उल्लेख गर्दै भने।

ट्म्पले बाँकी विश्व खासगरी चीन र रुसलाई प्योङयाङमाथि उसका आणविक हतियार त्याग्न दबाब बढाउन आग्रह गरे।

याे पनि पढ्नुस  निशस्त्रीकरणका लागि हतार छैन– राष्ट्रपति ट्रम्प

ट्रम्प एशियाका पाँच मुलुकको भ्रमण क्रममा छन्। जापानबाट भ्रमण शुरु गरेका ट्रम्प दक्षिण कोरिया पुगेका छन् त्यहाँबाट उनी बुधबार चीन पुग्दैछन्। बिबिसी

कमेन्ट गर्नुहोस्