Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

माओवादी नेता अमिक शेरचनद्वारा ‘निकृष्ट कुप्रचार’को जोडदार खण्डन

काठमाडौं, कात्तिक २२ । नेकपा माओवादी केन्द्रका सचिवालय सदस्य एवम् चितवन वाम गठबन्धन निर्वाचन परिचालन समितिका संयोजक अमिक शेरचनले क्षेत्र नं. ३ बाट बाम उम्मेदवार कमरेड प्रचण्डको जीत सुनिश्चित देखिएसगै अत्तालिएका बिरोधी राजाबादी मानसिकता बोकेकाहरुको निकृष्ट कुप्रचारको जोडदार खण्डन गरेका छन ।

कात्तिक १९ गते चनौली बजारमा बामगठबन्धनको प्रदेश ३ (क) को चुनावी कार्यालय उद्धाटन कार्यक्रममा अध्यक्ष प्रचण्डसँगै नेताहरु सहित मंचमा जाने क्रममा पुराना मित्र धनकाजी गुरुङसँग भएको भेट र हतारामा छुट्टिदाको अवस्थालाई लिएर विभिन्न सञ्चारमाध्यममा आएको समाचारप्रति शेरचनले गम्भीर ध्यानाकर्षण भएको जनाएका छन ।

बुधबार शेरचनले जारी गरेको प्रेस नोटमा भनिएको छ, ‘चुनावी कार्यालय उद्धाटन कार्यक्रमको सन्दर्भमा भएको घटना भनि केहि अनलाईन मिडियामा आएको कपोकल्पित र भ्रामक समचार आज थाहा पाउँदा उक्त समचार प्रति मेरो गम्भीर ध्यानाकर्षण भएको छ ।’

‘आफ्ना अन्नय मित्र धनकाजी गुरुङको चरित्र हत्या गर्ने मनसायले हुँदै नभएको भ्रामक र कपोकल्पति मतदाताले अमिक शेरचनको कठालो समात्न खोजेको र प्रहरीले गिरफ्तार गरेको भनि केहि मिडियामा अत्यान्तै पुर्वाग्रही र चुनावी प्रपोगाण्डाका रुपमा समाचार प्रेसित गरिएकोमा नेता शेरचनले आपत्ति प्रकट गरेका छन ।

गुरुङलाई नचिनेका युवा साथीहरुले प्रहरीको जिम्मा लगाएको खबर मैले मंचमा रहदाँ प्रहरीबाट जानकारी पाउनसाथ उहाँलाई तत्काल छाड्न आग्रह गरेको थिए । यसर्थ यस्तो खाले गलत खबरको बिश्वास नगर्न र साथी धनकाजी गुरुङ मेरो पुरानो हितैषी मित्र रहेको पुन स्मरण गराउन चाहान्छु प्रेस नोटमा उल्लेख छ ।

हेनुहोस् विज्ञप्तीको पूर्णपाठः

अस्ति चनौलीमा हुँदै नभएको घटनाको वारेमा भ्रमपुर्ण सन्देश सम्प्रेष्ण को खण्डन क अमिक शेरचनका तर्फबाट जारी संक्षिप्त प्रेस नोटः

गएको १९ गते चनौली बजारमा बामगठबन्धनको प्रदेश ३ (क) को चुनावि कार्यालय उद्धाटन कार्यक्रमको सन्दर्भमा भएको घटना भनि केहि अनलाईन मिडियामा आएको कपोकल्पित र भ्रामक समचार आज थाहा पाउदा उक्त समचार प्रति मेरो गम्भीर ध्यानाकर्षण भएको छ ।

चुनावी कार्यक्रमको दौरानमा अध्यक्ष कमरेड प्रचण्डसँगै नेताहरु सहित मंचतर्फ जादै गरको अबस्थामा मेरा पुराना मित्र धनकाजी गुरुङले हात मिलाउदै मसगँ छुट्टै कुराकानी गर्न खोज्नु भएको थियो । कार्यक्रम सुरु हुन लागेकाले हतारमै हामी मंचतर्फ उक्लिएको कुरालाई मतदाताले अमिक शेरचनको कठालो समात्न खोजेको र प्रहरीले गिरफ्तार गरेको भनी केही मिडियामा अत्यन्त्यै पुर्वाग्रही र चुनावी प्रपोगाण्डाका रुपमा खबर प्रेसित गरिएको प्रष्ट देखिन्छ । उहाँलाई नचिनेका युवा साथीहरुले प्रहरीको जिम्मा लगाएको खबर मैले मंचमा रहदाँ प्रहरी कै सईमार्फत थाहा पाएपछि तत्कालै उहाँलाई छाड्न आग्रह गरेको थिए । यसर्थ यस्तो खाले गलत खबरको बिश्वास नगर्न र साथी धनकाजी गुरुङ मेरो पुरानो हितैषी समेत रहेकाले र उहाँसँग निकै लामो सहकार्यमा कुनैपनि झैझगडा र मनमुटाब नरहेकाले उहाँको चरित्र हत्या हुने खालको खबर प्रकाशन नगर्न सम्पुर्णमा अनुरोध गर्दछु । यस्ता खाले गलत समचार सम्प्रेष्ण गर्ने अनलाईन र मिडियाहरुको नियमन गर्न निर्वाचन आयोग र प्रेस काउन्सिलको समेत ध्यानाकर्षण गराउन चाहान्छु ।

३ नं क्षेत्रबाट बाम उम्मेदवार कमरेड प्रचण्डको जीत सुनिश्चित देखिएसगै अत्तालिएका बिरोधि राजाबादी मानसिकता बोकेकाहरुको निकृष्ट कुप्रचारको जोडदार खण्डन गर्न चाहान्छु ।

अमिक शेरचन
२०७४।०७।२२

कमेन्ट गर्नुहोस्

%d bloggers like this: