Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

प्रत्येक वडामा १० शैय्याको अस्पताल निर्माण : श्रेष्ठ

काठमाडौं, कात्तिक २३ । नेकपा एमालेका नेता कृष्णगोपाल श्रेष्ठले आगामी मंसिरमा हुने निर्वाचनले देशमा संयुक्त वाम गठबन्धनको सरकार निर्माण हुने बताएका छन ।

नेकपा माओवादी केन्द्रले नागार्जुन नपा–९ स्युचाटारमा बिहीबार आयोजना गरेको कार्यक्रममा उनले मुलुकमा पूर्वाधार विकास तथा आर्थिक समृद्धि कायम गर्न सरकारको स्थायित्वको खाँचो औँल्याउँदै त्यसका लागि संयुक्त वाम गठबन्धनको औचित्यलाई जनताले निर्वाचनमा पुष्टि गर्ने विश्वास व्यक्त गरे।

आर्थिक रुपले पिछडिएका क्षेत्र, वर्ग, अल्पसंख्यकलाई विशेष प्राथमिकता दिनुपर्नेमा जोड दिँदै एमालेको नेतृत्वमा वाम सरकार गठन भएपछि पिछडिएको वर्गको उत्थानका लागि विभिन्न आर्थिक परियोजनाका कार्यक्रम ल्याउने बताए । प्रत्येक वडामा १० शैय्याको अस्पताल निर्माणको योजना रहेको उनको भनाइ थियो ।

प्रदेश नं (ख) का उम्मेदवार केशवप्रसाद पोखरेलले संयुक्त वाम गठबन्धनका विरुद्ध अनेक खालका षडयन्त्र शुरु हुन थालेकामा त्यसतर्फ चनाखो हुन आग्रह गरे ।

माओवादी केन्द्रका समानुपातिक उम्मेदवार सुभद्रा भुजेलले कृषि, शिक्षा, स्वास्थ्य, पर्यटन क्षेत्रको विकासमा लगानी वृद्धि गरी पर्याप्त रोजगारी सिर्जना गर्नुपर्नेमा जोड दिए ।

कमेन्ट गर्नुहोस्

%d bloggers like this: