प्रहरीको गोप्य रिर्पोटः माअाेवादी केन्द्रका यी नेता खतरामा (सूचीसहित)

माअोवादी नेतामाथि अाक्रमणपछि बोल्यो गृहमन्त्रालयः ‘फायरिङ गर्न छुट छ’

काठमाडौं, कात्तिक २६ ।  चुनावी प्रचारमा लागेका उम्मेदवारमाथि शृंखलाबद्ध आक्रमण प्रयास हुन थालेपछि उम्मेदवार सुरक्षालाई मजबुत बनाउन सरकार लागि परेको छ ।

शनिबार गृह मन्त्रालयमा आकस्मिक बैठक बसेर सबै उम्मेदवारको सुरक्षामा सुरक्षाकर्मी परिचालनमा कुनै त्रुटि नराख्ने विषयमा छलफल भएको छ ।

गृहसचिव मोहनकृष्ण सापकोटाको नेतृत्वमा मन्त्रालयमा बसेको बैठकमा उम्मेदवारको सुरक्षामा कमजोरी हुन नदिन तीनवटै सुरक्षा निकायका प्रमुखलाई सापकोटाले निर्देशनसमेत दिएका छन् ।

माओवादी केन्द्रको गढ मानिएका जिल्लामा केन्द्रकै उम्मेदवारमाथि आक्रमण प्रयास भइरहेका छन् । शनिबार रोल्पामा वर्षमान पुन ‘अनन्त’लगायत वाम गठबन्धनका उम्मेदवार सवार गाडीलाई लक्ष्य गरेर माइन विस्फोट गराइएको थियो । नेत्रविक्रम चन्द ‘विप्लव’का कार्यकर्ताले उक्त विस्फोट गराएको सूचना प्रहरीले पाएको छ । शुक्रबार रुकुममा माओवादी केन्द्रकै उम्मेदवार एवं पूर्वगृहमन्त्री जनार्दन शर्मालाई लक्ष्य गरेर बम विस्फोट गराइएको थियो ।

रोल्पा र रुकुम माओवादी केन्द्रको लालकिल्ला मानिए पनि विप्लवका कार्यकर्ताले प्रतिशोधमा र चुनाव भाँड्ने योजनाअनुरूप विस्फोट गराएकाबारे सुरक्षा निकायका प्रमुखले सचिव सापकोटालाई ब्रिफिङ गरेका थिए । स्रोतका अनुसार बैठकमा पुन र शर्मामाथि भएको आक्रमण प्रयासलाई ‘राजनीतिक प्रतिशोध’ का रूपमा समेत विश्लेषण गरिएको थियो ।

सचिव सापकोटाले चुनाव भाँड्ने तत्वमाथि विशेष निगरानी राखेर तत्काल पक्राउ गरी चुनाव अवधिभर थुनामा राख्न प्रहरी महानिरीक्षक प्रकाश अर्याललाई निर्देशन दिएका छन् । ‘चुनाव भाँड्ने तत्वबारे सूक्ष्म निगरानी हुनुपर्‍यो । जहाँ भेटिन्छ पक्राउ गर्नुस् । सरकारकै मन्त्रीमाथि समेत आक्रमण भइरहेको छ । सुरक्षा कमजोरी हुन नदिनोस्’, सापकोटाले अर्याललाई दिएको निर्देशन उद्धृत गर्दै स्रोतले भन्यो, ‘विप्लव माओवादीका कार्यकर्तामाथि विशेष निगरानी गर्नुस् ।’

राष्ट्रिय अनुसन्धान विभागको सूचना संकलन कमजोरी भएको भन्दै चनाखो रहन विभागका प्रमुख दिलीप रेग्मीलाई समेत सचिव सापकोटाले कडा नर्देशन दिए । सापकोटाले सशस्त्र प्रहरी प्रमुख सिंहबहादुर श्रेष्ठलाई पनि सीमा सुरक्षामा विशेष चनाखो रहन निर्देशन दिएका थिए ।

वाम गठबन्धनका उम्मेदवारमाथि मात्रै नभएर चुनाव नजिकिँदै जाँदा कांग्रेसलगायत मधेसी गठबन्धनका उम्मेदवारमाथि आक्रमण प्रयास हुन सक्ने भन्दै सचिव सापकोटाले सुरक्षा निकाय ‘हाईअलर्ट’ हुनुपर्ने निर्देशन दिए । विप्लव र उनका कार्यकर्तालाई सामान्य रूपमा नलिन सापकोटाले सुरक्षा निकायका प्रमुखलाई सुझाएका थिए । स्रोतका अनुसार सापकोटा बैठकमा चुनाव भाँड्ने समूहले हतियार विस्फोट गराउन थालेपछि प्रहरीले परिस्थितिअनुसार जफावी फायरिङ गर्न सक्ने छुट प्रहरीलाई भएको स्पष्ट पारेका थिए ।

गृह मन्त्रालयका प्रवक्ता नारायणप्रसाद शर्माले शनिबार सुरक्षा समीक्षा बैठक बसेको बताए। ‘निर्वाचनविरोधी गतिविधि गर्ने तत्वमाथि निगरानी राख्न, पक्राउ गर्न र उम्मेदवारसँगै मतदाता र मतदान अधिकृतको सुरक्षामा चनाखो रहन सुरक्षा निकायका प्रमुखलाई निर्देशन दिइएको छ’, उनले भने । शर्माले यो वा त्यो नभनी निर्वाचन भाँड्न खोज्ने जो-कोहीलाई पनि निगरानी गरेर कारबाहीको दायरामा ल्याउने रणनीति गृहले बनाएको जानकारी दिए । अन्नपूर्णमा खबर छ ।

माओवादीका उम्मेद्वाहरु को–को छन् प्रमुख निशानामा हेर्नुहोस् सूची

गोरखा
नारायणकाजी श्रेष्ठ
अमर बहादुर गुरुङ

सुनसरी
डम्बर सुवेदी

झापा
सुरेन्द्रकुमार कार्की

मोरङ
शिवकुमार मण्डल

सप्तरी
अशोक कुमार मण्डल
मोहमद सकिल मिया
उमेश कुमार यादव

सिरहा
अजयशंकर नायक

धनुषा
मातृका प्रसाद यादव
रामचन्द्र झा
नवल साह
रामसिंह यादव

महोत्तरी
गिरीराजमणि पोखरेल

सर्लाही
दिनेश राय यादव

रौतहट
सत्यनारायण भगत
प्रभु साह
देवेन्द्र पटेल

पर्सा
रहवर अन्सारी

दोलखा
विशाल खड्का

रामेछाप
श्यामकुमार श्रेष्ठ

सिन्धुली
हरिबोल गजुरेल

सिन्धुपाल्चोक
अग्निप्रसाद सापकोटा
दावा तामाङ

काभ्रेपलाञ्चोक
गंगाबहादुर तामाङ

भक्तपुर
मिलन सुवाल

नुवाकोट
हितबहादुर तामाङ

धादिङ
शालिकराम जमरकट्टेल
जगत सिम्खडा

ललितपुर
पम्फा भुसाल
राजकाजी महर्जन

चितवन
पुष्पकमल दाहाल ‘प्रचण्ड’

काठमाडौं
अनिल शर्मा
रुद्र बराइली
झक्कुप्रसाद सुवेदी
हितमान शाक्य

तनहुँ
हरिबहादुर चुमान

बाग्लुङ
देवेन्द्र पौडेल

नवलपरासी पूर्व
भविश्वर पराजुली

कास्की
दीपक कोइराला
राजकाजी गुरुङ

अर्घाखाँची
टोपबहादुर रायमाझी

प्यूठान
कृष्णध्वज खड्का

रोल्पा
वर्षमान पुन

रुकुम पूर्व
कमला रोका
पूर्ण बहादुर घर्ति

पाल्पा
वसन्त घर्ती

नवलपरासी पश्चिम
घनश्याम यादव
कन्हैया कहार

बर्दिया
तिलकराम शर्मा
सन्तकुमार थारु

कपिलवस्तु
चक्रपाणि खनाल
जावेद आलम खान

दाङ
कृष्णबहादुर महरा

डोल्पा
वीरबहादुर शाही

कालिकोट
महेन्द्रबहादुर शाही
दुर्गाबहादुर रावल

सल्यान
टेकबहादुर बस्नेत

जाजरकोट
शक्तिबहादुर बस्नेत

रुकुम पश्चिम
जनार्दन शर्मा
रातो कामी
गोपाल शर्मा

सुर्खेत
ठम्मरबहादुर बिष्ट
विन्दमान विष्ट

दैलेख
धर्मराज रेग्मी

डडेल्धुरा
खगराज भट्ट

बैतडी
प्रेमप्रकाश भट्ट

दार्चुला
मानबहादुर धामी

कञ्चनपुर
विना मगर
महेश दत्त जोशी

कैलाली
लेखराज भट्ट
गौरीशंकर चौधरी
नेपबहादुर चौधरी

कमेन्ट गर्नुहोस्