घुससहित सशस्त्र प्रहरीका एक जवान पक्राउ

बाँके, कात्तिक २७ । बाँकेको खजुरा रोडस्थित धम्बोजीबाट सोमबार अख्तियार दुरुपयोग अनुसन्धान आयोगको टोलीले घुस रकमसहित सशस्त्र प्रहरीका एक जवानलाई नियन्त्रणमा लिएको छ ।

अख्तियार दुरुपयोग अनुसन्धान आयोगको क्षेत्रीय कार्यालय कोहलपुरले ७ हजार रुपैयाँ घुससहित सशस्त्र प्रहरीका जवान शम्भुप्रसाद आचार्यलाई पक्राउ गरेको छ ।

आयोगको टोलीले नेपालगञ्जको खजुरारोडबाट सशस्त्र प्रहरी बलको नेपालगञ्ज कारकादौंमा रहेको औद्योगिक सुरक्षा गणमा कार्यरत आचार्यलाई सात हजार रुपैयाँ घुससहित रंगेहात पक्राउ गरेको अख्तियारको कार्यालयले जनाएको छ ।

गस्तीमा रहेकन प्रहरीले भन्सारबाट मालसामान छुटाईदिने भन्दै घुस लिएको बताइएको छ । घुसको रकम लिँदैगर्दा पक्राउ गरिएको अख्तियारले जनाएको छ ।

कमेन्ट गर्नुहोस्