स्थानीयका माग मञ्चमै हस्ताक्षर गर्दै प्रचण्डले भने-‘सरकार बन्नेवित्तिकै काम’

'राप्रपाका १७५ युवा माओवादी केन्द्रमा प्रवेश'

भरतपुर, कात्तिक २७ । नेकपा माओवादी केन्द्रका अध्यक्ष एवं चितवन क्षेत्र नं. ३ का उम्मेदवार प्रचण्डले मञ्चमै स्थानीयका मागमा हस्ताक्षर गर्दै नयाँ सरकार बन्ने वित्तिकै पूरा गर्नै प्रतिबद्धता जनाएका छन ।

सोमबार माओवादी केन्द्रका अध्यक्ष प्रचण्ड भरतपुर २३ को चुनावी अभियानमा थिए। नयाँ बस्तीका जनताले उनको भव्य स्वागत गरे। लाइनमा बसेका स्थानीयको स्वागतपछि प्रचण्ड मञ्चतिर लम्किए।

याे पनि पढ्नुस  जनतामा छाएको निरासा हटाउन गम्भीर कदम चालिने - प्रचण्ड

उद्घोषकले कार्यक्रम सुरु गरे। त्यसपछि नयाँ बस्तीका एक युवाले खेलकूद, विद्यालय, सडक लगायतका विकासका माग राखेर प्रचण्डलाई ज्ञापनपत्र बुझाए। ज्ञापन पत्र बुझेर प्रचण्डले मञ्चमै ज्ञापन पत्रमा हस्ताक्षर गरे। सभामा तालीको फोहरा फुट्यो।

ज्ञापनपत्रमा हस्ताक्षरपछि स्थानीयलाई सम्बोधन गर्दै प्रचण्डले भने, ‘म तपाईहरुलाई आश्वासन दिन आएको होइन, चितवनको मुहार फेर्न र देशको समृद्धिको नेतृत्व गर्न आएको हुँ। तपाईहरुका माग सार्वजनिक रुपमै हस्ताक्षर गरेको छु, नयाँ सरकार बन्नेबित्तिकै पहिला तपाईहरुको काम गर्छु, यो मेरो बाचा हो।’

याे पनि पढ्नुस  प्रचण्ड र ओलीबीचको छलफल सकियो, यस्तो भयो सहमति

कार्यक्रममा राप्रपाका १७५ युवाले प्रचण्डको हातबाट टीका लगाए। ज्ञापन पत्र पेश गर्ने युवाले भने, ‘जनताकै अघि माग सम्बोधनको लिखित प्रतिवद्दता गर्नुहोला भन्ने सोचेका थिएनौं, हामी खुसीले गदगद छौं।’

कमेन्ट गर्नुहोस्