Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

यसो भन्छन् डोटीका उम्मेदवार…. उस्तै एजेण्डा, उस्तै दाबी,

चुनावी आममसभा, कार्यकर्ता भेटघाट तथा रणनीतिक भेलामार्फत दलहरुले आ–आफ्ना चुनावी, अजेण्डा, दल तथा गठबन्धनको औचित्य र निर्वाचन हुने आधारहरु सार्वजनिक गर्दै छन् । योसँगै जनतासँग आफुलाई जिताउनसमेत आह्वान गर्दै प्रचार प्रसारमा जुटेका छन् ।

डोटीमा नेपाली कांग्रेसका तर्फबाट प्रतिनिधि सभामा भौतिक पूर्वाधार तथा यातायात मन्त्री एवं नेपाली कांग्रेसका केन्द्रीय सदस्य बीरबहादुर बलायर, प्रदेश सभा निर्वाचन क्षेत्र ‘क’ बाट भरत बहादुर खड्का र प्रदेश सभा ‘ख’ का उम्मेदबार योगेन्द्र बहादुर शाही चुनावमा भिड्दै छन् ।

नेकपा एमाले–नेकपा (माओबादी केन्द्र) गठबन्धनका तर्फबाट प्रतिनिधि सभाका लागि नेकपा एमालेका केन्द्रीय वैकल्पिक सदस्य प्रेम बहादुर आलेमगर, प्रदेश निर्वाचन क्षेत्र ‘क’ बाट नेकपा एमाले डोटीका अध्यक्ष चक्र मल्ल र निर्वाचन क्षेत्र ‘ख’ बाट नेकपा माओबादी केन्द्र डोटीका ईन्चार्ज त्रिलोचन भट्ट पनि चुनावी प्रचार प्रसारमा छन् ।

यस्तै राष्ट्रिय जनमोर्चाका तर्फबाट प्रतिनिधि सभाका लागि जिल्ला अध्यक्ष बेणिमाधब जोशी, प्रदेश सभा ‘क’ बाट नरेश आले र ‘ख’ बाट केशब नाथ योगी चुनाव भिड्दै छन् ।

अधिकांश ‘अजेण्डा’ समान

प्रचारप्रसारका क्रममा दलका उम्मेदबारहरुले राखेका अधिकांश मुद्दाहरु समान देखिन्छन् । प्रदेशको राजधानीको सवाल, सडक मार्गहरु, बिकास योजनाहरुमा दलहरुका समान अजेण्डा छन् ।

दिपायल राजधानीका लागि सबै दलका उम्मेदबारहरुले प्रतिबद्धता जनाएका छन् । धेरैले दिपायल राजधानी हुनेमा शंका नगर्न भनेका छन् । बोगटान सडक र खुटिया–बीपीनगर–दिपायल फाष्ट ट्र्याक, खप्तडको पर्यटन विकास लगायतका सवालहरुमा सबै उम्मेदबारहरुको प्रतिबद्धता रहेको छ ।

सबैको जित्ने दाबी

दल तथा उम्मेदबारहरुले ‘आफुलाई र दललाई जनताले चिनेकाले’ सजिलै जित्ने दाबी समेत गर्न थालेका छन् । उनीहरुले आफ्नो जित सुनिश्चित भएको दाबी गर्दै आएका छन् ।
‘जनता अहिले स्पष्ट छन् । बुझेका छन् । र को कस्तो हो राम्रोसँग ठम्याएका छन्,’ भौतिक पूर्वाधार तथा यातायात मन्त्री कांग्रेसका तर्फबाट प्रतिनिधि सभाका उम्मेदवार बलायरले भने, ‘त्यसैले हामी जित्नेमा शंका छैन ।’

कांग्रेसको जित भनेको लोकतन्त्रको जित रहेको उनले दाबी गरे । आफ्नो संघर्ष, जनताप्रतिको त्याग–तपस्या, विकास निर्माणमा आफुले गरेको योगदान चुनाव जित्ने पर्याप्त आधार रहेको उनले बताए ।

नेपाली कांग्रेस प्रदेश सभा ‘क’का उम्मेदबार भरत खड्काले डोटीको बर्तमान बिकासको सबै अगुवाई कांग्रेसले गरेकाले कांग्रेस र आफु सजिलै जित्ने दाबी गरे । ‘ख’ का उम्मेदबार योगेन्द्र बहादुर शाहीले लोकतन्त्रको जग कांग्रेस भएकाले लोकतन्त्र बचाउन जनताले कांग्रेसलाई मतदान गर्नेभएकाले चुनाव जितिने दाबी गरे ।

एमाले–माओबादी गठबन्धनका उम्मेदबारहरुले राष्ट्रियता, स्थायी सरकार र बिकासका लागि जनताले आफुलाई मतदान गर्ने दाबी गरे । नेकपा एमालेका तर्फबाट प्रदेश सभा ‘क’ का उम्मेदबार चक्र मल्लले आफ्नो पार्टी राष्ट्रियताका पक्षमा, बिकासका पक्षमा अडिग भएर लागेकाले जनताले खुशी भएर मतदान गर्ने दाबी गरे । ‘एमाले राष्ट्रियताको सवालमा, विकासका सवालमा क्लियर छ । जुन जनताले बुझेका छन्,’ उनले भने, ‘एमालेले विकासका लागि बिगतदेखि नै लोकप्रिय काम गर्दै आएको कुरामा पनि जनता प्रष्ट छन् । त्यसैले जित हाम्रो हुन्छ ।’

प्रतिनिधि सभाका उम्मेदबार प्रेम आलेमगरले आफु विकासबादी भएको र जनताले दुखपिडासंग जानकार भएकाले आफु जित्ने दाबी गरे ।

प्रदेश सभा ‘ख’ का उम्मेदवार माओबादी जिल्ला ईन्चार्ज त्रिलोचन भट्टले राजनीतिक स्थायित्व, स्थायी सरकार, जनपक्षीय विकासका लागि जनताले आफुलाई मतदान गर्ने दाबी गरे ।

उता राष्ट्रिय जनमोर्चाले आफु स्पष्ट राजनीतिक शक्ति भएकाले जित निश्चित भएको दाबी गर्दै आएको छ । केन्द्रिय सदस्य मनोज भट्टले भने, ‘यी दलहरुले भ्रमको खेती गर्छन्, जुन कुरा जनताले बुझेका छन् । त्यसैले यसपटकको निर्वाचनमा भोट हामीलाई हाल्छन् ।’

प्रतिनिधि सभाका उम्मेदबार बेणीमाधब जोशीले आफु जनमोर्चा र आफु निष्कलंक छवी र निरन्तर राजनीतिज्ञ भएकाले आफ्नो जित निश्चित भएको दाबी गरे ।

प्रदेश सभा ‘ख’ का उम्मेदबार केशबनाथ योगीले बिकास, राजनीतिक सवालमा जनमोर्चा स्पष्ट रहेको र ठुला दलको चरित्र जनताले बुझिसकेकाले आफ्नो जित निश्चित भएको दाबी गरे ।

कमेन्ट गर्नुहोस्

%d bloggers like this: