Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

अबको चुनाव नयाँ नेपाल निर्माण गर्नः श्रेष्ठ

गोरखा, मंसिर ५ । गोरखा जिल्ला क्षेत्र नं.२ दुई अन्तर्गतको शिरानचोक गाउँ पालिका वडा नं.५ को विभिन्न स्थानमा सयुक्त बाम गठबन्धनको शोक सभा सम्पन्न भएको छ ।

शिरानचोक गाउँपालिका ५ को छोप्राक मैदान, हरिबले, सिम्ले र चित्रेमा शोक सभा भएको हो ।

नेकपा माओवादी केन्द्रका अध्यक्ष तथा पुर्व प्रधानमन्त्री पुष्पकमल दाहाल ‘प्रचण्ड’ का पुत्र एवम् नेकपा माओवादी केन्द्रका पोलिटव्युरो सदस्य प्रकाश दाहालको असमायिक निधनप्रति दुख व्यक्त गर्दै सबै चुनावी सभालाई शोक सभामा परिणत गरिएको हो ।

सभालाई सम्बोधन गर्दै नेकपा माओवादी केन्द्रका वरिष्ठ नेता एवम् गोरखा जिल्ला क्षेत्र नं.२ दुईको प्रतिनिधि सभा सदस्य उम्मेदवार नारायणकाजी श्रेष्ठ (प्रकाश) ले अबको चुनाव नयाँ नेपाल निर्माण गर्न भएको बताउनुभएको छ । यस अघिका चुनाव राजनैतिक अधिकारको लागि थियो श्रेष्ठले भन्नुभयोः राजनैतिक अधिकार प्राप्त गरेउ अब देशमा आर्थिक क्रान्ति ल्याउनुपर्छ । सुखी र सम्बृद्द नेपाल बनाउन बामपंथी उम्मेदवारलाई बिजयी गराउन श्रेष्ठले आग्रह गर्नुभयो ।

बाम गठबन्धनका साझा उम्मेदवार श्रेष्ठले बामपंथी नेतृत्वको सरकारले मात्र देशको आमूल परिवर्तन गर्ने स्पष्ट पार्नुभयो । एमालेको नेतृत्वको सरकारले वृद्ध भक्ता शुरु गरेको बताउदै श्रेष्ठले माओवादी केन्द्रले गाउँ गाउँमा सिहदरबार ल्याएको बताउनुभयो ।

पुसमा बामपंथीको सरकार आउने दावी गर्दै श्रेष्ठले बामपंथी नेतृत्वको सरकारले वृद्ध भत्ता ५ हजार पुर्याउने घोषणा गर्नुभयो ।

शिरानचोक गाउँ पालिकाको ५ नम्बर वडाको ४ ठाउँमा चुनावी सभा तथा शोक सभा गर्दै श्रेष्ठले ५ नम्बर वडाका स्थानीयले खानेपानी, सडक, स्वास्थ सस्था, सिचाइ लगायतका समस्या भोगिरहेको स्मरण गर्दै तत्काल समस्या समाधान गर्न आवश्यक तयारी गरेको बताउनुभयो ।

चुनाव लगत्तै आफुले बोलेको कुरा पूरा गर्ने श्रेष्ठले प्रतिबद्धता व्यक्त गर्नुभएको छ ।

यसैबीच श्रेष्ठले पार्टी पोलिटव्युरो सदस्य प्रकाश दाहालको असमायिक निधनप्रति गहिरो दुख व्यक्त गर्दै पार्टीले एकजना जुझारु र कुशल व्यवस्थापक गुमाएको बताउनुभयो ।

कार्यक्रममा चुनावी सभामा गोरखा जिल्ला क्षेत्र नम्बर दुईका प्रदेश सभा दुइका सदस्य उम्मेदवार अमर तमुले सुलिकोट, अजिरकोट र शिरानचोक गाउँ पालिकाको समग्र विकासको निम्ति प्रतिबद्ध भएर काम गर्ने प्रतिबद्धता व्यक्त गर्नुभयो ।

कमेन्ट गर्नुहोस्

%d bloggers like this: