मकवानपुरमा उत्कृष्ट १० महिला उद्यमी छनोट

मकवानपुर, मंसिर ५ । मार्खुमा मकवानपुर जिल्लाका ७ गाबिसमा उत्कृष्ट महिला उद्यमीहरुको नाम घोषणा गरिएको छ । २० महिला उद्यमी मध्येबाट १० जना उद्यमीलाई उत्कृष्ट छनोट गरिएको हो ।

अक्सफामको सहयोगमा नारी सीप सृजना केन्द्र, मकवानपुरले भूकम्प प्रभावित समुदायमा आयआर्जन तथा खाद्य सुरक्षा बढाउनका लागि मकवानपुर जिवन स्तर पुर्न्निर्माण कार्यक्रम अन्तर्गत १० उत्कृष्ट महिला उद्यमी छनोट गरिएको हो ।  मकवानपुरका भूकम्प प्रभावित क्षेत्रहरुमा नेपाल लिडरसीप एकेडेमी र नारी सीप सृजना केन्द्रको सहकार्यतामा दायित्व ग्रामिण उद्यम प्रर्वद्धन कार्यक्रमको अन्तर्गत महिला उद्यमी छनोट गरिएको हो ।

छनोट कार्यक्रममा नागरिक समाज, पत्रकार, उद्यमी, सरोकारवाला लगायतको बाक्लो उपस्थिती रहेको थियो । कार्यक्रमका प्रमुख अतिथि इन्द्रसरोवर गाँउ पालिका वडा नं. १ का वडा अध्यक्ष जमन सिंह वाइवाले “ अहिले नेपालके धैरै जना युवा विदेशिएको अवस्थामा महिला दिदी बहिनीहरूले स्थानीय समुदायमा उद्यम चलाएको देःख्दा खुशी लागेको बताउर्दै उद्यमी महिलाहरूलाई उद्यम बढाएर लक्ष्य पूरा होस् भन्दै सुवेच्छा पनि दिनुभएको थियो ।

नेपाल लिडरसीप एकेडेमीले दायित्वको ग्रामिण उद्दम द्रुतिकरण कार्यक्रमको ढाँचा प्रयोग गरेर महिला तथा युवाहरुको नेतृत्व क्षमतामा वृद्धि गरी उनीहरुले आफ्नो जिवन र समुदायमा अधारभूत परिवर्तन ल्याउन, साथैं उनीहरुको प्राविधिक क्षमतामा वृद्धि गराई व्यवसायमा प्रगती गर्न मार्गनिर्देशन गर्दछ ।

दायित्वले विगत २०१४ साल देखि पाल्पा, गुल्मी र रामेछाप जिल्लामा ग्रामिण उद्यम प्रवर्दन कार्यक्रम कार्यन्वयन गर्दै आइरहेको छ ।   सेप्टेम्बर २०१७ मा नेपाल लिडरसीप एकेडेमीले मकवानपुरमा दायित्व ग्रामिण उद्यम प्रर्वद्धन कार्यक्रमको शुरुवात गरेको थियो ।

यस कार्यक्रममा चित्लाङ, फखेल, मार्खु, कुलेखानी, सिस्नेरी, नामटार र कालिकाटार गरी मकवानुरका सात गा.वि.स.का कृषि, पशु, ब्युटीपार्लर तथा सिलाईकटाई ब्यवसाय गरिरहेका ६८ जना महिला उद्यमीहरुले आवेदन बुझाएका थिए । प्रतियोगिताको पहिलो चरणमा उत्कृष्ट ४० उद्यमी छनौट गरियो र उनीहरुलाई वित्तिय साक्षरता तलिम प्रदान गरिएको थियो । दोस्रो चरण अन्तरगत उत्कृष्ट २० उद्यमीको छनौट गरि ब्यवसाय साक्षरता तालीम प्रदान गरिएको थियो ।

तेस्रो अथवा अन्तिम  चरण अरन्तर्गत तीन जनाको निर्णायक समूहले उत्कृष्ट २० उद्यमीको घर तथा उद्यममै गएर प्रत्यक्ष अवलोकन, निरिक्षण तथा मूल्यांकनको आधारमा उत्कृष्ट १० उद्यमीको छनौट गरिएको छ । छनौटमा परेमा उद्यमीहरुले प्रमाण पत्रको साथमा प्रोत्साहन स्वरुप नगद पनि प्राप्त गरेका थिए ।

यसको साथै छनौटमा परेका उद्यमीहरुलाई नेतृत्व विकासको तालीमको साथमा अन्य प्राविधिक तालिम र व्यवसायीक परामर्श पनि प्राप्त गर्ने दायित्वकी सञ्जु पौडेलले बताइन् ।नेपाल लिडरसीप एकेडेमीले यस कार्यक्रम मार्फत  विकासोन्मूख लघु उद्यमीहरुको पहिचान गरी उनीहरुको व्यवसाय प्रर्वदन गर्न आवस्यक प्राविधिक सहयोग प्रदान गर्नेछ ।

 उत्कृष्ट १० महिला उद्यमी यसप्रकार रहेका छन्-

१ कल्पना ठकुरी तरकारी खेती, फखेल ३

२ भिम माया रूम्बा गाई पालन, फखेल ४, इन्द्रसरोवर

३ बिमला बलामी टेलरिंग फखेल, सिमलांग, इन्द्रसरोवर

४ रिता गोपाली तरकारी खेती, थाहा नगरपालिका चित्लांग, १० टौखेल

५ रिता कुमारी ठकुरी बाख्रा पालन, गहते टोल, फखेल

६ समिता बलामी ब्यटीपार्लर थाहा नगर पालिका ९, चितलांग

७ रिता कुमारी ठकुरी कृषि तथा बाख्रा पालन व्यवसाय गहते टोल, फखेल

८ समिता बलामी ब्यटीपार्लर थाहा नगर पालिका ९, चितलांग

९ सरिता बलामी टेलरिंग थाहा नगरपालिका ९ चित्लांग

१० सरिता बस्नेत तरकारी खेती तथा पशुपालन व्यवसाय, फखेल

११  निर्मला लामा तरकारी खेती तथा बाख्रा पालन व्यवसाय, फखेल ५, इन्द्रसरोवर

११ पार्वती उप्रेती, कुखुरा पालन व्यवसाय नमटार, कैलाश

 

कमेन्ट गर्नुहोस्