महरालार्इ जिताउन दाङ झरे अनन्त

सोनाम प्यूठान, सिजल पाल्पा जाने

लिबाङ, मंसिर १२ । प्रतिनिधिसभा सदस्यमा रोल्पाबाट उम्मेदवार बनेका नेकपा माओवादी केन्द्रका प्रभावशाली नेता एवम् पूर्वअर्थमन्त्री वर्षमान पुन ‘अनन्त’ दाङ गएका छन ।

उनी माओवादी केन्द्रका अर्को प्रभावशाली नेता एवम् उपप्रधानमन्त्री कृष्णबहादुर महरालगायत वामगठबन्धनका उम्मेदवारलाई जिताउन मंगलबार विहान दाङ झरेका हुन् ।

रोल्पाबाट वामगठबन्धनको तर्फबाट उम्मेदवार बनेका अनन्त निर्वाचन सकिएपछि दोस्रो चरणको निर्वाचनका वामगठबन्धनका उम्मेदवारलाई जिताउन लागेका छन् । उनी माओवादी केन्द्रका प्रदेश नं। ५ का ईन्चार्जसमेत हुन् ।

याे पनि पढ्नुस  सिकलसेल एनिमियाबाट मर्नेको संख्या बढ्दै

अनन्तलाई जिताउन महरा दुईपटक रोल्पा पुगेका थिए । माओवादी केन्द्रका वरिष्ठ नेताहरु महरा र अनन्त राजनीतिक र शैक्षिक रुपमा गुरु चेला हुन् । ‘मेरो शैक्षिक गुरुमात्रै होइन, राजनीतिक गुरु पनि हो महरा सर’, अनन्तले भनेका छन् । महराले रोल्पामा अनन्तले जित्दा आफ्नो पनि जित हुने बताएका थिए ।

अनन्तसँगै निवर्तमान सभामुख ओनसरी घर्तीमगर पनि दाङ झरेकी छिन् । उनी माओवादी केन्द्रबाट प्रतिनिधिसभा सदस्यकी समानुपातिक उम्मेदवार हुन् । उनले दाङमा महरालगायत वामगठबन्धनका उम्मेदवारलाई भोट माग्नेछिन् ।

याे पनि पढ्नुस  एक महिनादेखि हराएका व्यापारी दाङको जंगलमा कुहिएकाे अवस्थामा मृत फेला

सोनाम प्यूठान, सिजल पाल्पा जाने

रोल्पाबाट उम्मेदवार बनेका माओवादी केन्द्रका नेताहरु दोस्रो चरणको निर्वाचनमा गठबन्धनलाई सहयोग गर्न प्रदेशका अन्यत्र जिल्ला जाने भएका छन् । माओवादी केन्द्रका कार्यालय सदस्य एवम् क्षेत्र नं। १ का प्रदेशसभा सदस्य उम्मेदवार कुलप्रसाद केसी ‘सोनाम’ प्यूठान जाने भएका छन् । सचिवालय सदस्य एवम् क्षेत्र नं। २ का प्रदेशसभा सदस्य उम्मेदवार दिपेन्द्र पुन ‘सिजल’ पाल्पा जाने भएका छन् । उनी पाल्पाका पूर्व ईन्चार्ज पनि हुन् ।

याे पनि पढ्नुस  सभामुख महराको पहलमा दाङमा दुई विमानस्थल सञ्चालनमा आउँदै

यसैगरी समानुपातिक उम्मेदवारहरु सिता आचार्य, हरीसरा घर्तीमगर दाङ जाने भएका छन् । अर्का समानुपातिक उम्मेदवार कर्मलाल परियार प्यूठान जाने भएका छन् । माओवादी केन्द्र रोल्पाका नेता तथा कार्यकर्ताहरु रोल्पाबाट दाङ जाने भएका छन् । रोल्पाटुडेबाट

कमेन्ट गर्नुहोस्